05/04/07(thu)→香港→大阪→USJ→Comfort Hotel
我哋乘搭零晨01:20既 JL 航機到大阪
↑好好彩被upgrade坐商務客位(我好好運架，都試過好幾次喇)，那種寧靜和舒服，簡直冇得頂啊
5:25分已到達關西空港，再坐無人駕駛列車
因假期關係，那天有三班機同時在關西空港到着，我們都排了35分鐘隊才可以check in
↑拉著行李到關西空港駅搭車車喇
↑買南海電車到難波再轉車去心齋橋
↑車票
↑買過車票，入閘喇
↑喱四日都住喺心齋橋既 Comfort Hotel
↑酒店入口
放低行李，未夠鐘check in(07:30)，便出外吃早餐
↑睇吓有乜好食喇(其實係冇架，佢哋唔同香港四周圍都係茶餐廳，所以冇得選擇)，去咗松屋食我哋既早餐
↑豚肉生羗燒(唔好食，唔知點解，喺東京松屋吃過喱個，都幾好食架，喱度就唔得囉，可能唔同人煮啩)
↑而喱個豚肉丼，又係麻麻哋
↑食完早餐，便乘車到環球片場
↑門票係喺香港買定既(驚多人排隊)
↑USJ入口，就咁睇好似好少人
↑入到場，即刻走去好多人話必玩既 Spider-Man喇，嘩！不得了，竟然間要排150分鐘(即2個半鐘)，唔係化
↑冇辦法喇，又係錢作怪，便走去買 Express Booklet(好唔願架，好似搶錢咁，已經買咗入場券喇，又要額外再畀過錢，好過份啊)
你唔好話我傻喎，當我哋走去買 Pass 時，七個遊戲已售清，只淨番四個遊戲咋，你睇吓有幾咁多人買呀，七個比四個較為抵買，可惜賣哂，都要買四個頂住喇
↑攞過Pass，快快走去排隊玩喇，都要排半個鐘才可入去玩架
講真…真係有幾咁好玩啫，如果要我排二個半鐘玩這個，想唔講句 shit 都唔得
↑E.T.星際歷險記
↑排隊入內會見到佢
喱個都排咗40分鐘，坐在架六至七人既單車上飛越星際，都係好悶架
↑浴火赤子情
一入去睇住個電視講咗一大論嘢，跟住又再入去第二part又係講咗一大論嘢，先至有沖天大火災既特技睇，不過好鬼悶
↑大白鯊
↑假到無論，不過嗰位姐姐講得好緊張迫真又可以加番啲分既
↑USJ內
↑炸魚包(麻麻好食)
↑芝麻街表演
↑好多日本人已坐定定等2:00既巡遊表演
↑好認真既巡遊表演，好好睇
↑又睇吓佢哋既表演
↑史力加4D歷險記
我反而最鐘意喱個喎，好好睇，有感官刺激
↑侏羅紀公園 ~ ~ 乘船遊
↑衝落嚟時都唔夠迪士尼嗰個咁刺激
我只係畀條恐龍噴濕咗啲啲頭髮，跟住衝落嚟時都冇濕架，最衰啲水花彈哂落張凳度，攪到我條褲(pat pat位)濕哂，好似瀨尿咁，我既同伴完全冇濕呀，佢就好彩喇(我哋冇著雨褸架)
↑衝落嚟時睇吓邊度會濕身
↑園內差唔多個個都揸住既火雞腿，都幾好食
再四圍玩吓其它嘢
↑都冇乜嘢好玩囉
約六時左右，我們便離開USJ
↑返到心齋橋，便四圍逛逛，睇吓有乜嘢好買
就係喺喱度食我哋既晚餐
↑個烏冬完全唔好食
↑而另一個烏冬就普普通通，啲炸物好硬，唔好食
↑房間內(好有東橫inn既影子)
↑好攰喇，通宵機完全冇瞓過覺，又玩咗一日，真係成個人散哂呀
↑日本酒店既洗手間，間間都差唔多
食完晚餐後，都唔知係唔係唔乾淨，一晚痾咗三次呀
↑喺大丸買既士多啤梨
