06/04/07(fri)→大阪→神戶→Comfort Hotel
morning,
今朝9:15先知醒，梳洗一番後，肚子又再次唔舒服，又痾了二次喇
酒店係有包早餐(簡餐)，通常我哋係唔會食架(唔知醒)
今日我哋會去神戶，雖然曾到此一遊，但係仲有好多地方還未去過架
↑わた半
就喺神戶食我哋既早午餐(其實唔舒服都冇乜胃口架)
↑食 shabu shabu
↑三田牛
嘩…好靚呀，唔知好…唔…好…食…呢
等我講畀你聽喇，雖然我冇乜胃口咋，但喱個三田牛簡直好好味(如果有胃口都唔知點算)，肉質鬆軟幼滑、香濃，擺落口真係唔駛咬架(冇牙都可以食)，一份只得六塊，我哋食到最尾嗰件，都要嗒真啲先捨得吞落肚呀
↑食飽飽(又唔妥喇)，喺藥房買咗喇叭牌正露丸(真係有用架)，唔係就死火啦
買咗一日乘車票(City Loop)觀光巴士
↑咪就係搭佢囉(環繞神戶各個主要旅遊景點)
↑元町商店街
裏面係一條超長既商店街，有書店、餐廳、售賣蛋糕、藥房等，可以一行
↑售賣花草既商店(看見隻狗狗擺設幾過癮攪鬼)
↑在元町商店街隔離就係南京町(在長安門入口)
那天有好多韓國旅行團到這裏一遊
↑裏面整條街都係售賣中式食物
↑像茶樓賣既中式小點
↑豚肉包(好大個)，不但熱辣辣還好好食喎(比起函館嗰個凍冰冰、當然更勝一籌喇)
↑連香港有既點心都在這裏售賣，當日都有幾多人排隊買嚟食架
↑逛完，又再搭 City Loop到北野異人館
↑北野異人館內花園一角
↑北野異人館內入口
↑館內
↑館內參觀
↑神戶北野美術館(冇入去呀，都應該唔啱睇)
↑附近已見到好多櫻花(其實乘車時，在近郊一帶都見到好多櫻花喇)
↑喱張算靚架喇(櫻花)
↑北野天滿神社
↑在北野天滿神社從石級而上，有一個好似佛寺既地方，裏面掛咗好多求學業既木牌(希望學業進步)
↑喱度又係掛咗好多
↑可拉住大繩嚟敲響銅鐘
↑風見雞の館
↑風見雞の館外貎(因屋頂的公雞避雷針而得名)
↑不嬲都對喱啲冇乜興趣(但一場嚟到，都要走走既)
當然係搭車走人，再去第二個景點
↑Mosaic
↑神戶港塔
↑入場票
↑買過票，便上去神戶港塔眺望大阪港灣既景觀(其實上到塔頂，係毫無好睇既，嘥錢)
↑Mosaic Garden(裏面係一棟複合式商場，有食店、酒吧和售賣手信既地方和有一個遊樂場，而摩天輪亦在此)
↑見到佢，又忍唔住玩咗一個圈
↑買過入場券
↑入去坐喇(又做水魚)
↑從摩天輪影落嚟，見到遊樂場(好簡陋)，有旋轉木馬玩
離開神戶港時都夜喇，而City Loop已停開(5:39)，都唔知有冇攪錯，咁早冇車，都唔係方便啲遊客，想睇夜景，都要自己諗辦法點搭車喇，行咗一大段路先到車駅，搭JR到三宮駅，到今晚開餐既地方
↑ステーキ 神戸 みその
今晚8:00先食我哋既晚餐，好肚餓呀，餐廳內好少客人，計埋我哋得嗰三枱客
↑點了兩個set，有龍蝦
↑聞名已久既神戶牛
↑野菜(洋蔥、鮮冬菇、茄子)
↑頭盤
↑沙律
↑師傅用蝦羔烹調龍蝦
↑麻麻哋好食(中式整法比較好食)
↑茄子好食啲，洋蔥我唔太愛
↑矜~貴~兼~夾~昂~貴
↑整埋得嗰幾粒，又唔覺得好好食喎，太油膩喇，食完都唔會令人覺得難忘
師傅不斷問我哋好唔好食，都唔知答佢好定唔好(都係要講大話喇)
他講下午有12個香港人到嚟幫襯，因為有特價午餐(當然質數同價錢都差好遠喇)
他非常熱情招呼，不斷同我哋傾偈(其實我好唔鐘意食梗嘢時，畀人騒擾，雖然我都係一個口水多過茶既人，不過無辦法喇，做佢喱行，一定要同客人social，我係會明白既)
同埋企喺我哋後面既幾個 waiter，不停幫我們執嘢換嘢，真係好似被人監視，食得好唔自在啊
↑嗰啲一粒粒，係用神戶牛切出嚟既肥羔，整到好似煙肉粒咁，好香口惹味，不過始終都好肥膩又漏(超級勁多胆固醇)
↑最後有既龍蝦湯(麵豉湯底，我唔係好鐘意既味道)
↑甜品(蜜瓜清甜，sherbet好味，蛋糕就一般喇)
師傅見我食藥丸，即刻奉上三温暖(冷、暖、熱水)各一，走時又遞上咭片，送到 lift口(90度鞠躬同你拜拜才罷休)，唉…唔駛咁客氣喇，我哋唔慣架，又唔係有錢人家
↑離開食店，都好夜喇，好多地方都閂咗門，當然要搭車返酒店
士多啤梨係喺神戶買架，這是我哋喱三日既甜品嚟
↑喺便利店買既百事(同可樂一樣係零卡路里)，又幾好飲喎(好飲過原裝版)
今日食咗咁多嘢，好彩冇痾咋，喇叭牌真係幾有效
又要
