油葵
當然完全唔知係咪嚟喇
唔係加入了種荳芽行列‥真係只有佢識我、我唔識佢啊 (笑)
剝瓜子吃過嗎
但‥我真係冇乜點吃過喎
呢啲又係雀仔喜愛的糧食嚟‥
又係同之前一樣喇
浸泡好啲豆後又要催芽
便可放入育苗盆了
我係玩大咗㗎
諗住買個罐玩吓啫
現在又買多兩件咁嘅嘢
地方淺窄
又多件都咪話唔煩
好彩老公冇詐型
因佢已對我死心了、話又話唔聽
冇晒我辦法咋
弄濕育苗紙
有保濕作用‥同遮光
頭兩三日係最關鍵時
不能見光
不過有啲都唔係咁講
唔理喇、照跟喇
第四日已很茂盛了
可見光了
有太陽照吓係唔同啲
生長得很健壯
第六、七日已相當唔錯㗎喇
因從未種過
非常有新鮮感
覺很好玩囉
頭搭尾共九日已收成了
盆底啲鬚根幾咁犀利
不過唔算茂盛
我後來種嗰啲才厲害
呢啲唔要喇
收穫破豐啊
嗱！有時曬得過份
葉子都變黃了
係咪幾靚吖
原來呢個係好好食㗎
我鐘意呀
冇渣、清甜
真係唔係自己種
點會有機會吃到呢啲呢
街市未見過有得賣喎
都係用蒜茸快炒咋
簡簡單單又一味餸囉
打斧頭幾好呀
不過都要用九天時間才培植到㗎
