天氣熱
最好不過係整雪榚、雪條喇
雪條整過
咪做吓雪糕
其實最大原因係想消滅咗盒忌廉
好怕買大盒㗎
某人話冇人叫妳買大吖
大盒平好多喎
買細又唔夠用‥
如果衰咗、都有得補救吖(笑)
本來係跟甜C奶做芒果雪糕嘅
點知買咗三個好鬼靚的呂送芒‥
切開係金玉其外、敗絮其中
全要不得的
都唔知係乜嚟
白色的、有少少爛兼冇味
垃圾‥全掉了
嘥錢
激氣得滯都忘記影相
冇計喇
所有嘢已磅好晒
睇吓屋企有乜咪整乜
抹茶有好多
就用佢喇
都係跟甜C奶食譜
果仁係自己加的、不是食譜有
加上自己忘記加入拌勻
惟有放在上面
增添口感時同賣相更加靚仔
其實我唔覺係雪糕嚟
咪似滑捊捊雪實咗口感嘅Cream
我一般啫
^^^^^^^^^^^^^^^^^^^^
終買到呂送芒
又買埋百香果‥‥
食譜跟第二個兼自己有所改動
做到九杯
未影相冇得食住
忍吓先喇
我好愛吃百白果
佢啲香味、真係冇水果可取替
加上有益過芒果吖
上面冇整色整水
同抹茶嗰杯係咪差好遠呢
有少少芒果果粒
同埋都有百香果果粒
呢杯雪榚係最、最、最巧味的
出面邊有得賣呀
嗱！
一次過晒冷
抹茶早前已吃了兩杯
影出嚟係唔夠數喇 (笑)
唔係邊有得評價
