又冇嗰樣整嗰樣喇
一樣都未做得好、又心多多攪攪震
不自量力咪係我囉(笑)
一日同老公講
點樣辛苦㗎、老公話又冇人叫妳做
係自己多餘、冇嘢揾嚟做
喺屋企坐吓唞吓唔得嘅 (笑)
喺新年前淘咗個荳芽罐
一直懶‥都未開封
曾諗過賣番出去㗎‥
直至疫情關係、多咗時間在家
荳芽罐才可面世
呢個係第一次發嘅芽菜
啲豆唔新鮮喇
睇吓個豆頭都未退化
加上係第1次
都唔識係夠鐘收豆未
傻吓傻吓就去收成
又成日打開個蓋偷睇佢
所以有好多豆頭變了紅色
又長又瘦
營養不良咁
有啲其貎不揚的
我都丟掉
揀啲靚嘅咪執起佢
搣晒啲尾
做涼拌呀
最衰自己懶囉
唔願拎個脫水器出嚟
徒手擰乾
咪擰到啲菜咁醜樣囉
擰得太乾喇
準備醬料
就完成咗碟涼拌芽菜喇
賣相唔靚
但巧巧吃啊！
