呢間我自己去吃了2次
帶老公去吃一次
即共三次
點解吃咁多次呀
好好吃咩
又唔係喎‥
第一次去吃
係因為佢個"六十年代撈麵"
一個人吃太大碟了
又叫了一個淨雲吞、根本吃不晒
撈麵用了豬油
確係好香口
食食吓都幾鬼漏
同老公講、為食鬼話好想去試喎
奈何太遠
我有事辦路過
又再次去吃
老公至愛
我覺很酸、都唔明男人老狗
為何會愛吃這
又試吓佢嘅豬手喇
我身先士卒
味道普通啫
好彩夠腍
同枱有個不知是男還是女喇
(現在啲人打扮分不清、其實係睇得出，只係佢坐在隔離、冇奶油上下打量人啫)
佢叫了碗水餃牛筋撈麵
同阿姐講粒水餃咬唔到喎、即未熟
咦！咁都得、唔係化
阿姐話：唔好意思呀、妹妹
哦！原來係女性嚟
套餐有菜的
芥蘭我鐘意吃
加了豬油
馬上升呢‥係巧巧吃呀
凍檸茶都算唔差囉
因有好多間都很難飲的
$41一個套餐都唔算貴了
******************
好喇
老公終於有時間去吃
奇怪
又坐番同一張枱
再次叫豬手麵
等老公試試
佢都話豬手好普通
冇乜特別
何止呀‥湯麵唔得囉
撈好食多
因有加豬油吖嘛 (笑)
芥蘭‥又係正
淨雲吞
ok可以的
老公期待吃的
佢話好細碟
一個人食得晒喎
唓！我邊有佢咁鬼大食
全部係呢個"豬油撈麵"好食囉
其他真的普普通通
我已吃了3次喇
唔想再吃
亦不會再經此處了
另外老公摯愛吃"成記牛什粉麵"牛丸
知道我會經此地
實拜托我買的
係呀‥佢啲牛丸唔同出面街的
放入口時、會不期然講點解會係腍嘅
食落有濃濃的牛肉味
越嚼越好味
$90一斤
話貴唔貴、平亦不算平
不過最緊要好食
***********************
尖咀海防道呢間食店
已吃了好幾次
不過夏天真的不要去
密不透風、熱都熱屎呀
曾同yoga朋友去過
她怕污糟、唔肯再去了
裏面又真的很雜亂嘅
不過又真的很多人幫襯喎
老公每次必點的牛丸、牛筋米
嗱‥呢度啲牛丸細細粒
真的係彈架
但冇乜牛味囉
$130一斤
都咪話唔貴
只係一間其貎不揚的大排檔
老公話較為愛吃"成記"牛丸喎
已很少吃牛的我
每次去只好叫雪菜肉絲米
都唔明畀咁鬼多雪菜做乜‥
我一定要舀一半畀老公
其實係好普通的一碗粉咋
只是經過
老公想吃、咪陪佢
最出眾係杯奶茶
曾講過揾到一間好味奶茶
可惜又唔好飲喇
不嬲係好好味的
上次我亦叫了奶茶紅豆冰
又澀又苦、紅豆又少到離奇
都唔平架
好像廿多三十一杯
佢哋唔知點解西式食物
全冇價錢牌喎
