出呢個 po係喺舊年聖誕前吃的
放假去了長洲半天
只係為了"食"
逛就冇乜好逛架喇
一早係家附近吃了早餐
便乘車去中環碼頭
去到長洲都十二點左右了
呢度係老公睇開飯"話全宇宙最好食的"沙嗲牛肉麵"
係呀‥佢最愛睇埋呢啲蟮料
冇次得嘅
早餐還未落格
又要食喇
唓！仲以為乜堅料好食
原來係沙嗲湯鮮牛肉
早啲同我講‥我唔會食囉
我以為係將啲牛肉用沙嗲炒又要推
步驟繁複
因之前食過間好吃、伙記同我講係咁做的
當然係功夫嘢嚟喇
點會像以上呢個咁鬼簡單呀
沙嗲湯底‥有幾難做
唔明有幾好食囉
全宇宙最好吃的沙嗲牛肉麵"
吥！
我哋好無聊呀
根本冇地方好逛‥一埸入嚟係為了吃咋
麥當當都吃呀
無計‥又熱又曬
唞吓啫
冇嚟長洲咁耐
原來呢度都整埋呢啲嘢
老公話以前吃過
都話唔好吃
又買
長洲大魚旦
係呀‥真的唔好吃
又冇味道
只是大粒啫
把鬼
係我痴呆、忘記了
三點前又去食喇
這間又係之前吃過覺幾好吃
咪再去
唔好諗住吃少少呀
原來有最低消費的‥
還飽‥
只好叫輕食喇
有下午茶
午餐
老公最想吃的只長洲才有的"炆魚飯"
其實有好幾間都有架
不過上次吃過呢間都唔錯
但今次吃只覺一般
啲魚有啲腥同唔夠薑蔥味、魚部位又唔多好
no gooood
飯只吃少少咋
那有可能吃咁多嘢
咁短時間
你估真係"牛"有四個胃咩
有時回憶就算喇
再吃咪又係嘥氣同失望‥
我倆真的飽到上心口
漫無目的
咪走去公園坐囉
傾吓心事咁喇‥
為乜唔走呢
都有諗架‥
未入長洲前、係諗住吃埋海鮮的
一場來到
老公又乜都想食喎
最後商量過
還是吃埋晚餐才離開
hea 了一輪
走去街市買海鮮
蟶子係老公必點的、蟹係我喜歡
其實兩樣嘢大家一致鐘意吃
三點蟹$80一斤、係貴呀
出去吃係俾人劏架喇‥
買了3隻蟹、4隻蟶子王
拎去店舖給人煮
付加工費
呢間又係多得"開飯"好推介囉
老公話係呢間多人like 喎
有新咪試吓囉
六點零鐘啫麻、又係平日
都唔明點解咁鬼多人
豉汁蟶子
為何冇乜豆豉架呢
味道、顏色係有啲怪
算喇‥
蟶子肉真的又爽又彈
正
味道係差啲囉
薑蔥炒蟹
又係令人超、超、超失望架
呢味嘢‥應該難唔到食店
都唔明煮得那麼差
冇薑蔥味
究竟係乜鬼炒呀
成碟都係水
炒得唔乾身、冇味道唔香
點解會有洋蔥架
唔係用洋蔥炒蟹呀
真係把鬼囉
越吃越火、咁鬼難吃都有
仲鬼屎咁多人幫襯添
原來現在好多間都set 有套餐
二人前甚至一圍都有
百零蚊交易都有海鮮吃了
講真‥咁嘅價錢
有乜好嘢給你吖‥
眼見隔離枱二人餐、有蟶子吃、不過係好似隻手指尾咁大咁囉
一分錢、一分貨
呢間嘢個廚師相當唔得
啲嘢唔好食
就會口淡淡喇
逛了半日、見到都冇食出名糯米糍
可能條脷口淡淡、還是佢塊芒果唔靚喇
酸夾唔香甜
蘯了半日、亦要返閨了
吃了咁多
係麥當當杯雪糕好吃啫
(唓))) 咁‥駛鬼入長洲咁遠吃、度度都有)
全部都不知所謂
嘥時間、嘥金錢囉
有排都冇興趣再去
蝦乾喺長洲買的
希望好吃喇
