想買氣炸鍋好耐
老公唔同意
佢話個款實在太醜喎
成隻 boots 咁 (笑)
所以叫我不要買
惟有作罷
其實屋企水波爐都做到嘅
但唔知點解又想擁有一部喎
在不經意下
佢又出了新款
沒有咁大個
樣子都算幾討好
扑鎚
新仔玩乜好呢
氣炸雞亦喇
唔駛點用腦吖嘛
這個是南乳雞亦啊
賣相真的超得呀
色澤比焗爐還要均勻
正
簡單易用
低能都攪得掂
方便過用焗爐啊
炸完‥真的很多油在鍋底
又真的唔錯喎
讚
買佢‥都係為了這啫
又試吓三文魚頭
好像效果又不是太理想喎
唔夠燶
但又好香口、夠脆
下次試用200度
睇吓會否好啲
或者掃一層油在魚頭上會唔會好啲呢
鍋底都有唔少油
買了五層肉
呢塊肉都係一般啫
唉！唔係撞啱有靚部位架
細細塊啱晒部機
好快已氣炸完
咦！點解中間唔爆花嘅
只係四邊靚仔咋喎
再炸多次都係唔得
唔知點解
喺 utube 睇、人家做得好靚架
又唔知衰乜喇
惟有下次再試lu
恐怖情景出現了
啲油多到
簡直嚇屎人
怕怕
塊皮脆到卜卜聲
焗爐當然做到
但都係呢個超方便
最愛吃有骨部位
咸咸香香
一絕
係中間爆花唔夠靚仔囉
唔合格
畢日再做
嚿肉都唔係太差
係肥咗啲囉
好彩有氣炸鍋
逼晒啲肥油出嚟
食晒落肚都幾係架
無聊聊又想有啲攪作
我好鬼懶呀
V Chop 都唔願拎出嚟打
用麵棍扑碎‥算 (笑)
我係唔會開油鑊炸嘢的
點解要買AF
咪係咁囉
包得係醜啲
仲包得太大隻添
好吖‥荷包脹卜卜‥好兆頭
又係好快手出爐喇
超簡單
嗱)))
唔好講賣相先
我都收貨喇
唔漏、唔油膩
都算好食
諗住做十零隻應吓節
應該又會再做lu
未過年已吃晒(笑)
氣炸蘿蔔糕
賣相係嚇人架
睇落乾爭爭
冇滴油水
食落又唔係喎
鬆軟呀
只係賣相唔靚仔囉
得嗰 2滴油咋
如果用pan 煎、都咪話唔用多油呀
話知你用易潔鑊吖
咪一樣要用多油才煎得靚
做了好幾款食物
都叫做還可以
有脆炸效果
係有啲賣相唔得囉
可能唔係乜都氣炸ＯＫ架
我會不斷試的
唔通又新屎坑咩
嘥嘢
家姊已話我喇
佢真的唔會買呢啲嘢
揾自己笨
做又做餐屎
佢講亦係道理
