聖誕未到
還有差不多一個月
我已準備少少禮物送人了
物輕情意重 )))
一年裏面
是我最、最、最喜歡
這普天同慶的日子
不是做了太多
為求新鮮
想到要送既人
才再做都未遲啊！
唉！
我好輪盡囉
明明自己已寫好了配方
點知又攪亂了 "脂" 同 "蠟" 的份量
最慘係在座熱時才發覺囉
立即熄火
再諗如何收科
惟有再加多油、脂、蠟份量吧
變相做多了
唔緊要喎
我三百六十幾日
都要搽喎
現在好咗好多喇
一天只吃完嘢才塗咋
真的唔係講笑‥以前 ))) 不停搽架
晚上九點零塗完
可一晚瞓至天亮‥
也不用再補塗架
好彩都算叫及時發現
雖不會有很大差池
但‥效果始終不是自己所想囉
老公不嬲都話我大頭蝦
想唔認都唔得喇
今次發生此事
我冇同他講呀‥
費事佢又取笑我囉
係咪有化粧同冇打扮有很大分別呢
只加了貼紙
成支潤唇膏簡直係兩回事
貼咗係咪靚巧好多呢 )))
真的有天與地之分呀
曾有諗過自用啫
曾有諗過自用啫
不用攪咁多花臣喇‥
唔環保之餘又嘥錢喎
一個貼紙都要六毫幾子架
唔係貴、但亦不算平
不過 ))) 又確實幾靚嘅
動物貼紙真的可愛
好療癒啊 )))
i like it (笑)
又係自己輪盡、嘥了一個貼紙呀
真的有點兒肉痛 (笑)
左係有機椰子油
顏色比較白
中間金盞花加紫草根油、右係金盞花油
全部都用了未精緻的可可脂
所以會保存了朱古力味
我亦沒有再額外添加香薰
免蓋過可可味
最後只加了數滴 VE
咁‥就完成喇
好喜歡這可可味
真的想食咗去呀))) (笑)
椰子油都好香椰子味
不過唔知點解
搽搽吓覺唔滑
像有沙粒狀咁囉
不喜呀！
另一隻紫草根油亦浸了十個多月了
我只拿來打皂多
見有人用來做潤唇
便溝了少少試吓囉‥
色澤橙橙都幾靚吖
搽上嘴‥冇色的
金盞花上次打完皂
留了一小樽就是有這用途
同紫草根一樣浸了差不多十個月喇
用嚟做皂同潤唇
真的超正架
唔係自己今次攪錯
呢個盒都冇咁快出現呀
多了‥
又唔想入唇管
其實用這冇咁嘥
可用到尾囉
不用浪費
惟一煩‥塗時要用手指搽或唇掃
前者較唔合衛生
惟有‥記得洗手才塗
唇管真的很嘥呀
包裝好後可送人了
有個不算很熟的朋友
我曾經給過她試用
她竟然 wts 我有冇lip balm
當時‥我有諗
有冇攪錯呀‥咁樣問人攞嘅
(老奉咩‥欠你架、自己diy 都要成本架、你又不是我親人喎)
(老奉咩‥欠你架、自己diy 都要成本架、你又不是我親人喎)
不過‥算喇
佢都算識欣賞好貨
連我個奄尖家姊用過都識開口問我拎呀
因她只愛名牌
完全唔信呢啲粗嘢
佢話用開啲名牌越搽越乾喎
係搽咗呢個才可以
梗係喇‥話之係乜名牌貨吖
一定有加化學嘢
用開 Diy又有得比較
當然係寧捨不同喇 (笑)
