兩條友對大陸人生路不熟
有時睇食肆地址唔識點去，大多教搭的士多
不過另一半係一個超強的人肉 GPS
(絕不帶錯路兼行餐屎嗰隻)
唔到我唔服架
佢認為可以行到去，又唔太遠的，都會選擇行、行、行
(因試過好幾次搭的士，都好鬼激氣，等同去泰國咁…)
呢個又係想食好耐
見去開當然唔放過，食埋至走喇
" 渝君 "
" 重慶雞煲 "
出名吃這個喎
當然要試試
都要整成廿多分鐘才有得吃
拎出來時，拿走了煲蓋，原來上面鋪了一堆芫茜
唔怪之得咁鬼香喇！
一煲有整隻雞
兩個人吃足夠有餘了
只 order 了小辣，費事太辣食唔到
越煲就越入味同辣
真係幾好味，唔錯，但…又沒有太回味喎
反而 " 水煮牛肉 " 就好想再食 (上咗癮)
都唔知點解好似食極都食唔完…
剩咗好多呀
" 川北涼粉 "
涼拌的，粉爽夾滑，又唔覺辣喎
不過…我唔太鐘意
另一半話幾喜歡
所以各人口味唔同囉
" 煎糍粑 "
就係食咗呢個
攪到個雞煲食唔晒
似日本的 もち
外脆、內裏煙煙韌韌
熱辣辣幾好食，不過食一塊已很飽肚
其餘的一路食一路覺很難吞
好似 " 0趙 " 到個牙骹攰晒都吞唔落
其實兩樣都係小食嚟
只好怪自己細食吧！
呢間都算唔錯好食，等我試完心儀的幾間食店
揾日番兜吧！
