一連出了四個大陸食評
食埋呢餐都應該暫時唔會再北上
要收手了… 聽住先喇！
" 巴蜀風 "
又係食川菜的
個菜牌大本到嚇屎人呀，有啲食肆影既相片仲好鬼屎靚添
務求吸引到食客唔叫唔得
香港真係唔多覺有喎
" 水煮江团魚 "
原條起肉上的
話喺四川空運急凍到深圳
一條江团魚好細條咋
盛魚個盤就大大個囉 (唔係一隻碟嚟架) 似係個面盤 (笑)
啲肉係起雙飛的、大大塊，沒有細骨絲
又滑、又嫰，非常好味
只得一條直骨
所以食得安心、放心，唔會啃親啊！
最衰個墊底配料就冇乜睇頭，只得一大堆金菇，我哋都唔鐘意食嘅
剩番晒喺度，冇之前嗰間 " 滿庭芳 " 咁正囉
人哋有薯粉、大豆芽、同青瓜
只食配料都飽肚了
" 蘿蔔高鈣湯 "
豬骨只得兩嚿，蘿蔔就有好多件
湯都算清甜
每人都可舀三碗架
只是味道稍為淡了些，加碟辣椒油就正喇
" 蛋煎糍粑 "
我痴咗線呀，喺唔同兩間食店叫了兩次呢個
不過呢間唔好食
淋 Pat pat 的，又多油
油麻哋咋
比人鬧喇，成日叫埋啲咁既嘢食
(唔好食就唔鬼食喎，精到屎)
我係咁架喇… ^_~ 你依家至知咩
送的 " 雪耳糖水 "
就咁睇沒有唔妥
食落口好似鼻涕，滑潺潺的
很是駭突
比番你 lu，我哋唔吼呀
店舖樓高幾層
服務尚算唔錯，比喺香港好好多
始終都係嗰句，空調唔得
食到成身汗，最怕呢個
喺呢度又係咁架，要啤酒又問人凍嗎﹖我話梗係要冰凍喇！
有人會愛喝唔凍的熱啤咩﹖﹖﹖
還有八寶茶淡淡的，焗了很久，還是沒有味道，唔得
唔好以為喺大陸污糟呀 (我係咁諗架) ^_~ ，問服務生攞多套碗筷
她竟然間攞啲餐具放在消毒暖柜焗過才拿給客人
另一半好抵死的話
嗰個消毒暖柜有冇插電線架，唔好整色整水喎 (笑)
不過…我見到戔燈係亮著的
拎嚟啲碗筷都係暖的
又唔好咁話人…咁鬼衰至得架
