上次 " 尋味 " 仲還未知屎
還繼續努力
另一半已驚了我
深怕我又唔知攪邊科
但…又要陪癲
呢間食店悄然離開過一段日子
現又再捲土重來
" 香辣煙肉意粉 "
炒得非常入味，加上有少少微辣
每條意粉的味道都恰到好處
夠煙韌
咁…至係 " 波 " 嗎！
" 咖啡 "
上面嗰個係 tea set 嚟
有意粉同一杯飲品，只售 $32
比較抵食啊！
杯咖啡都唔錯
如想再好啲，只要加錢
upgrade 你所需
另外單點了一個意粉
可加 $18
就有忌廉湯同餐包
總之就同日本餐廳咁…
加錢就有飲品又或是甜品 set
悉隨尊便，任君選擇
忌廉湯雖不是太杰身
但味道出奇的好喝
菜同磨菇都唔少
" 日本小魚煙肉菠菜意粉 "
單點的份量同 tea set 差唔多 (但價錢就差好遠)
咁 tea set 抵食好多喇
不過呢就冇得選擇
睇你點衡量囉
兩個意粉同樣好味
炒得夠乾身
每條意粉都充滿醬汁味道
正呀！
還有料都唔少架
好嘢！以上都有八成似在日本吃過的
希望下次去吃唔會有出入！
" 雲喱嗱綠茶雪糕 "
見佢做推廣 $12 一杯
當然又成為我囊中物喇
話係日本軟雪糕
咁…呢個梗係 " 渣 " 既日本軟雪糕嚟喇
冇乜牛奶味喎，滑都算夠滑…
加了綠茶醬
只覺油麻哋啫！
當天坐的位置，可見廚房，隠約見廚師炒意粉的動作
都煮了很久，才拿出來給客人享用
拋吓拋吓，唔係 " 係咁意 "炒兩炒 嗰隻啊！！
有時 " 執著 " 都唔係冇道理！
咁咪揾到間好食既食店囉…
不過無論如何呢間日本餐廳
食物尚算唔錯
起碼有我去日本吃過好吃的影子
既然再捲土重來
不要再靜雞雞走啊！
