唔係介紹蘿蔔糕呀
只係有啲激氣
不吐不快咋！
" 囍宴 "
一睇都知係邊間
早前買了兩張蘿蔔糕券
預備新年可以一嚐
噚晚喺沙田 " 一田 " 攞現貨
因一時大意，冇睇過食用日期係到幾時
而個售貨員姐姐又冇即時打開給我看看
遞了給我，只講了一聲記住放入冰箱
我便不以為意
拿了便走人！
返到屋企
都沒有細心查看，便放入雪櫃
完全冇諗過會有此一着
今日心血來潮，拎出嚟看看
唉！瀨嘢呀…乜得咁黑仔
睇吓張相就知乜樹
個日期一盒係 " 七號 "、另一盒係 " 十六號 "
兩盒駛唔駛相差咁遠呀
有冇韭菜，噚日係 "八號 " 喎
畀盒過期貨我
頂！乜咁低莊呀
咁大間食肆，都用呢啲手法
點解買你既蘿蔔糕
就係睇在 Jacky Yu 份上
買嚟一試
諗諗吓…真係要去消委會投訴呀！！！
都唔知係咪佢老細教佢哋咁做，又或是她們自把自為喇
我亦知 " 樹大有枯枝 "
但身為老細，真係要好好教育吓啲員工
咁樣會影響聲譽
點出名都補唔番喇
經此一役
對這間嘢已失去信心
唔會再有下次喇！
小喇叭！！！
(唔好怪我，唔講粗口發洩唔到呀)
