去完好耐沖繩返嚟
原來仲有酒店還未 post
快啲寫埋去出喇…
呢間酒店
可以話喺我哋對佢"情有獨鐘"
有得選擇而又就近的
都會以佢為先，不作它選
在県庁駅
逛國際通非常方便
(可惜嗰度沒多睇頭啫)
呢間好近巴士總站同單軌電車駅
揀佢都冇錯到
Location 一流
"Comfort Hotel"
商務酒店，五臟俱全
我覺佢比 "東橫 inn" 稍勝
起碼連住嗰幾日唔會迫你早上十時 check out
下午約四至五時才可回去吖
雖然去旅行通常都早起、夜返
但有時都會例外
所以覺唔方便
簡潔
日本酒店大多房間細細
唔同泰國嗰啲又大、又靚、又豪
最鐘意佢用白燈
唔會黑沉沉
唔似一般傳統酒店
夠晒簡約
擺兩個喼攤係度都綽綽有餘
洗手間大致係咁上下
最梗要乾乾淨淨
企企理理
* * * * * * * *
大堂有兩部電腦可供使用
Fax 同影印機齊備
呢啲就係商務酒店同傳統酒店分別
大堂另一角就係吃早餐之地
呢間都算大
每朝都有簡單早餐供應
雖不是豐富
但都唔差
其實有冇早餐，對我倆嚟講唔重要
有時瞓多陣重要過吃架 (笑)
款式好過 "東橫 inn"
不過佢就冇晚餐供應喎，我知"東橫"有咖哩飯
不過要好早返去才有得食
四日早餐食咗三日
哈…今次冇乜點蝕本啊
個飯糰真係好正、超正呀
早知擸幾個出街食啊！
慳番唔駛食午餐 (笑)
好可惜冇做到呀…
早餐當然有飲品
但…在每天下午茶時段至晚上
還可每人拿走一杯飲品回房間啊
其實坐喺度咪即係任飲
咁…睇你又飲得幾多 lu！
