唔需要早起
喺酒店食過簡便早餐才出發
要買兩日乘車券
嗱！沖繩既兩卡單軌電車
咪就係咁樣
幾 cute 架，好似玩具車
只搭了幾個車站
就係去"小祿駅"逛街喇
唔係一場嚟到日本
只係去"吉豬島"﹖！
係呀！一啲都冇錯
"那霸"真係冇乜好逛，最近既就係佢
還有無印、Uniqlo、Best、都好彩有少量藥妝店(唔係仲慘)
問你屎未！﹖
睇完我咁講，有冇想縮沙唔去呢處玩呢！
其實我一早預咗係咁，所以並冇失望
既然冇去過，去一次又何妨呢！
如果唔係咪去遠啲，離島囉
係咁架喇，唔係點會咁耐先 plan 到去呢度玩吖！
平日既商場
"水盡鵝飛"，人影都唔多隻
uniqlo 冇乜好逛，貨既品種香港比它還要多
價錢又差唔多，比你都唔會買喇
Best 又係唔夠東京咁多新款
嘥氣！
呢間"吉豬島"比美國村嗰間細很多
其實超市我啱逛架
尤其喺日式嘅
"沖繩"呢個苦瓜王國
真係無處不在
好唔好食，咪又係一樣咁苦
唔係我杯茶
係咪靚過香港嗰啲
每樣一小邊
都唔算平，不過又幾方便小人家庭
"紅薯"又係好多
整沙律都好方便
我鐘意
逛個幾間超市
淨見呢間有這款午餐肉
粉紅色的
好"姣"啊！﹖哈哈
逛完一輪，又逛吓藥妝店
買唔買到嘢，話冇…講你都唔信
另一半話放我喺度一陣間都唔多掂
所以話呢
"沖繩"冇嘢逛冇所謂，有藥妝店就得架喇
我會適者生存，唔可以"死古古"
轉轉 channel 一樣可逛得開心
午飯時間到
又乘一個駅到"赤嶺駅"吃
"だいこんの花 "
標榜吃健康和無添加食材的食店
呢度只係一角
原來還有好幾個部份的
好鐘意佢哋的安排，我哋兩個人會比這些位
靜靜局局
多人的又被安排座第二邊
總之，唔會"嘈"到你為大原則
香港唔會喇啩，只識方便自己工作
話知你舒唔舒服
今餐係食放題，仲係健康嘅
好少喺日本食呢啲嘢
尤其係有多菜的
有冇發覺日本好似冇乜菜食咁
呢餐食番夠本
天婦羅南瓜、茄子
非常好味
飲品都任飲
有啲仲係有機的
甜品都唔錯
唔太甜
一定有的苦瓜
有冇發覺啲食物好中式
有甜酸骨、麻婆豆腐等
喺沖繩我都覺好中國化，不太像日本
大根好食呀
相當清甜
唔係齋日式
我見意式、西式都有
仲話有八十多種食物可供食用
呢個係豬手
又係佢哋必吃的
好好食架
open kitchen
侍應見枱上食物吃得七七八八，便會叫廚房立即烹煮
好快又有一碟新架
其實每碟小小還好
起碼夠新鮮，唔會比人摷到核核突突
呢啲就係我吔拿回來吃的
係咪擺放得好整齊呢，日本人個個都係咁喎
不過我哋比他們擺得仲靚啲(笑)
除咗苦瓜我唔吼外
每樣都好味
我覺幾有新鮮感
" だいこんの花 "
裏面都好大架
原來都有好多旅行團到訪
當日只見日本團
因不是一齊坐，所以見唔到
好彩見唔到港團啫！
唔係就災難嚟囉！
