呢間毋須多講
好多港人熟悉店舖
每次想食，唔係多人，就係去咗第二度食
加上佢要晚上七時才開始營業
地點又唔多就腳
往往緣慳
"堂記腸粉專門店"
坐位唔多，當晚七時左右到達，已座無虛席
好彩只等了一陣，不過最唔好就要搭枱
坐得很迫又唔舒服
冇計，為咗一定要食，都要．．
"菜乾豬骨粥"
好香的菜乾味
"柴魚花生豬骨粥"
兩個粥底差唔多，這個較"菜乾"遜色
不過嚿豬骨相當入味同滑溜
幾正架，可惜每碗得一嚿咋
當天去食，不像呢幾天那麼凍，一路食一路汗流夾背，好不辛苦
應該係有加味精的，食完都幾口渴
只是不太嚴重吧了！
"炸兩"
出名吃腸粉，當然要試試
炸兩還很脆，不是"老油條"嚟
"燒鴨腸"
粉漿做得很薄，晶瑩剔透
牛油蛋撻冇咁滑
超正
"燒鴨"唔係一啲肥肉又或是垃圾嚟
加上非常入味
喺酒樓未曾試過有"燒鴨腸"吃
當然還有多種配搭
個人認為，始終都係"腸粉"較為出色
揾日﹖！ 又要再嚐其他
