其實想去食呢間好耐好耐喇
不過…都係只聞樓梯响
"蝦麵店"
你睇價錢都幾貴吓喎(好味就唔係咁講)
一個人食，有呢啲面壁位相當唔錯
睇相真係令人食指大動
又加又減，究竟攪乜鬼呢
下午茶餐就減兩蚊雞兼有杯嘢飲，要凍飲就加兩蚊雞
不過嗰碗麵就少一半
抵唔抵就自己諗囉(其實都冇 so)
飲唔飲都冇所謂
"蝦海鮮檬粉"(青口、尤魚、蟹柳、腐角、大蝦)
先講個湯(辣味蝦湯)，係幾鮮甜
但啲餸真係唔係好掂
嚿細細粒尤魚筒，完全冇味冇道
青口、蟹柳麻麻哋，係塊腐角最好味
隻所謂大蝦又唔覺鮮、唔彈牙
最慘係我叫咗"檬粉"呀，個配搭唔 match
整碗湯粉完全唔覺好食
已經畀人鬧我，成日叫"海鮮"乜乜乜吃係最蠢的
通常都係比埋啲唔慌好既嘢落去
"蝦肉片麵"
呢個另一半話"正"喎，尤其嗰幾塊肉片，夠晒入味
同"油麵"相當匹配
兩三啖已把整碗麵吃光(份量真係少得可憐)
食完好似冇食過一樣
所以我咪講，飲唔飲嘢都罷囉！
寧願要番碗正常份量，好過…
記住食要揀"油麵"啊！
