喺橫浜食完午餐，本想逛吓 "MM21"
但都冇實行(成日都係咁…喇，只怪自己多心)
於是轉移陣地
去開咗冇耐嘅 "LaLaport"逛過夠
旅遊書唔見有多介紹(難道太新)
點解會去呢個地方，因想買某樣嘢，而 search 到喺呢處有
因而得知，都算不枉此行
"鴨居"駅下車
(係唔係"鴨"住嘅地方呢，哈哈)
車駅有循環巴士直逹
我選擇行路
沿路行上天橋
好別緻嘅街燈
晚上亮起，應該都幾靚
條橋又長又濶，又沒有凹凸不平
好好行啊！
有時行吓郊區，人都舒暢啲
從天橋望向下
左右兩旁又另有新景象
有人放狗、嬉戲散步
寫意非常，雖沒有新宿街頭那麼繁囂
但…這個亦是我杯茶
偶然過吓這個生活
還是相當愜意
一路沿途見有多人行嘅地方，跟住行便冇衰
行呀行，好快便到目的地
行到盡頭，可以直去過馬路
或是上這行人電梯
兩者皆可到逹
用行人電梯上到嚟就係咁樣
直穿入去便是 "LaLaport"
裏面有好幾間大型商舖、書店同名店
仲唔夠我行(担心冇"銀"好過喇)
在地下就是這樣子
條條大路通羅馬，鐘意點咪點囉
嘩！裏面偌大到都唔識形容
真係有幾個"又一城"咁大
久違嘅"大丸"
喺"Tokyu Hands"見有部自助販賣汽水機
入錢玩吓先
有乜好玩喎"大鄉里"，未見過汽水機咩
我真係未見過呢款囉
入100円，揀啱所需
係"樽裝"唔係罐裝嚟架，又真係未見過喎(你見過咩)
I like C~O~K~E
飲完插番入去，攪掂
乾手淨腳，好似好原始咁…
北海道軟雪糕
綠茶、牛奶味同樣味濃可口，滑一滑
最緊要係唔甜呀
這個便是我愛佢的緣因
幾個又一城咁大，真係可消磨大半天
hea 吓、食吓、睇吓、八吓
咁嘅生活，是我"夢寐以求"的
究竟何時可以逹到呢！
不過…最緊要都係唔駛憂同身體健康
講多冇謂！！！
