去過咁多次"東京"，差唔多比我反轉咁滯
都冇諗會去"橫浜"逛吓
在冇乜地方好去下
今次仲唔有機會睇吓橫浜嘅"中華街"喺點樣
到達"橫浜"車站內有好多一幅幅圖畫
構圖令車站相當有特色
有好多中式酒樓廣告
睇啱可去食個夠
一出車站，行出地面
又落雨喇，好彩唔係好大咋
但…都要担遮
去咗六日，又係有一日會落雨架
去那邊先
行完"中華街"先，一陣至行"元町"
同"神戶"一樣
又係有一個呢啲牌坊
成條街最多喺賣"包包"同"栗子"呢兩樣嘢
我發覺日本人好愛吃的，尤其係包包
好多人排隊買架
街內冇高樓大廈，全部只得兩三層
又要担遮、又要影相，認真狼狽
行過一間餅店
竟然…咁快有月餅賣
好唔好食就不得而知喇
仲大個我隻手掌
知唔知係乜東東吖﹖﹖﹖
▼
▼
▼
▼
▼
原來係"馬拉糕"
都幾貴一個喎…雖然大啫
入鄉隨俗買一個食吓
呢個 size 細好多
裏面啲饀係肉碎和有三數條幼個粉絲嘅魚翅
我諗係"粉絲"居多
呢個幾好食，味道唔錯，加上又熱辣辣
成條街至發現有間"燒臘店"
不過啲燒鴨"又奀又廋"
同香港唔駛出名嘅任何一間，比它還要靚(只係我的愚見)
喺新宿歌舞伎町附近見過一間，賣燒臘飯要差唔多 1000円一碟飯
簡直令人咋舌
我諗呢間舖頭都唔平得去邊啩
咦！有得拜神喎
又買包包食
想買佢 no.1 嘅，賣晒喎，一日只賣幾拾個咋
咁…就是旦喇
"炭燒义燒包"，黑麻麻、又大大個
好醜怪啊！
好唔好食呢，呢樣好梗要架
雖然兩個人食，都食唔晒
又加上唔係太好食喇
．
．
．
"中華街"畀我哋嘅感覺係可去可唔去，真係唔去都冇損失
悶到嘔電，唔怪得旅遊書都沒詳細介紹
在我腦海中，只有一樣，就係好多好多嘅"包包"賣
難道這個便代表"中華"
