31/12/2007(mon)
尋晚非常好瞓，一晚瞓天光
梳洗後，又要出發喇
睇過旅遊書的介紹，已有明確目標，想去邊度架喇
濟州既天氣，就係咁喇，非常寒冷
係凍到入心入肺嗰隻囉
真係非同少可架
於是請酒店職員幫忙
向他諮詢想去的地方，及所用的時間
經分析過後，有啲地方唔夠時間去，唯有取消喇
他便給我們 call 的士
(包租的士，至下午六時)
費用絕對唔便宜啊(我認為)
(想自由行既朋友，請諗清楚吧，如你唔介意的話)
如不…真係好麻煩架，因唔係好多地方可以行到去
跟圑抵好多‧‧‧好多‧‧‧好多
這個便是包租的士
明明酒店職員同我們講清楚係幾多錢架
個司機話路途遙遠
又要我哋再加多些，在冇辦法下，都要畀架喇，除非唔去啫
第一站跟旅遊書推介逛所謂最潮既地方
"七星洞"
你唔好嚇我呀，有幾潮呀，咁香港既尖咀、銅鑼灣、旺角叫乜好呀
大至上都係一啲運動專門店，又貴又唔型
淨同香港都冇得揮喇，嘥鬼氣
好晏喇，好多店舖還未開門營業
係咁意逛咗一陣，便算行過
(原來個司機會跟埋我哋一齊架，可能怕我哋唔識路，定係驚我們走佬呢)
早餐都未食過，好肚餓，見有好多店舖售賣當地小食
便叫了這個
有年糕、雞蛋、魚肉
我好怕吃的年糕(少量都冇所謂)，冇味冇道，有幾好食啫
我寧願食豬腸粉好過
店舖內
相當地踎格局
左邊便是的士司機，右邊便是"亞朱媽"
她算非常友善喇，肯給我們拍照
(之前在路邊攤檔食了一串黑輪，那個女的很是惡死，不准我們拍照啊)
知道我們從香港嚟，好似好奇怪咁，可能點解會到這些地方啩
而個司機就廢既，一粒英文都唔識，完全冇得溝通
唯有身體語言搭夠
下一站便是到"東門市場"
好似跟"蔡 San 逛菜欄"咁
"人蔘"
唔知係真貨定假喇
似啲夜冷店
有好多豬頭賣
好核突啊
除咗啲海鮮檔稍為濕淋淋外
街市尚算乾淨
(其實我好怕逛街市架)
"漢拿橘"
相當昻貴
第三個站"中央地下商店街"
極似旺角中心，很爛，當然唔啱逛喇
還有數間香港都有售賣的化粧品專門店
The face shop , skin food , Missha.
不過可惜冇 Laneige .
本應要佢去埋 "E -Mart"(手信店)
唔知係唔係酒店職員沒有同佢講要去，他死都唔肯去
其實喺係附近咋
冇辦法喇，鬼叫自己唔識路咩
(都唔知酒店職員係佢老細定我哋係佢老細呢)
幾識揀嘢嚟做，比佢吹漲架
嗱…呢啲叫"貼錢買難受"
上返的士，到下一個景點
這個景點超遠，要到這裏便是要我們再加錢的地方喇
沿途近郊，有啲地方已有積雪
好彩今日沒有落雪啫，你睇幾大風
不過就超凍
在車上遠距離影的
就是今次要到的地方
上次跟圑到過一次，印象唔錯，所以今次再嚟多次
"城山日出峯"
整個山的外貎
影完張相，就行咗去附近買嘢食
有啲路邊攤準備開檔
好多人買的小食
像香港的雞蛋仔
內裏軟軟的，幾好食，可能又凍又肚餓喇
三十元一份，貴嗎???????
今天是零七年最後一日啩
竟然間唔駛比入場費
司機沒有跟我們去喇，又高又斜兼又凍
只是叫我們行完，自己回的士咋
沿這條路一直行至上山頂
真係冇呃你架，又高又斜又凍
老人家喺冇可能行架
都唔知點解唔學吓日本，整啲登山纜車唔駛人行得咁辛苦吖
配套完全唔掂，冇公車去到已係最失敗
上次嚟時兩旁一片綠油油，很是美麗(夏天)
現在光秃秃喇(冬天)
唔好以為好好行呀
路途凹凹凸凸、絕不平坦架，加上又高又斜
再高啲要行又窄又細小的石級
雖然冇數個有幾多級，我諗都有二、三百級啩
有人上、有人落，大家要左避右避架
地下又濕漉漉，好驚跣低
"展望台"
從高處可一望無際﹐遠眺風景區
只係行咗一半咋，都索晒氣喇
風景區
你話靚唔靚喇
不過空氣很好，但…就非常凍
我不斷流鼻水，頭又好痛，又冷親喇
(上次喺九州焗親未好，今次喺濟州冷親，冇鬼用)
好不容易才上到最高處
好多人爭相拍照
咁辛苦上嚟做乜呢
就係睇呢個"大砧板"
以前是個火山口
"自然美景、美不勝收"
絕不同那些人遺的韓劇景點架
睇完後
好多人都係沿路行返落去架
你睇啲石級又窄又斜兼又跣，真係一步一驚心，要扶住嚟行
一唔小心，跣落去就死喇
靚就幾靚，不過凍到跳舞
落到山腳
可見到"海女"捉魚既情形
應該係"海婆"囉
而另一邊有一間間既帳篷
係售賣食物既地方
燒梗大大隻乳豬，還有其他當地食物供應
見到台上有美女喺度綵排
唔知係唔係晚上有節目，不過好大陸
咁樣睇咪要食西北風
再次行返這裏
有幾間手信店，不過冇乜好行
"城山日出峯"
"石頭爺爺石像"
"海女"
時間差唔多喇，又要行返去上的士喇
個的士司機好好掙啊，接咗呢打生意，又冇乜地方去過
呢度又話唔夠時間，嗰度又話遠要加錢，呸…
喺便利店買既
在的士內開餐
大半天都冇乜嘢落肚，真係可用"飢寒交迫"來形容
好唔好食，又凍又硬，點會好味架
路途真係好遠架，個司機已開得好快喇
都要大概個半鐘才可回到酒店
約五時半左右已返到喇
你話係咪好掙兼好揾吖，又可提早收工囉
喺酒店攤咗一陣，鬼死咁肚餓
又去我哋既飯堂喇
店舖都算大架
有一間間的大房，再入還有…
今次冇咗我哋坐開既枱喇，要坐 tatami
對腳又好快痺喇
完全唔好食既前菜
(青瓜絲稍為好食咋)
香港經改良過的還好食
"人蔘鮑魚雞湯"
有兩隻鮑魚架
好正喎，湯又清甜唔膩
(呢個我冇份食架，睇見都流口水，因感冒唔敢食，你又好喇…)
留番下次到"首爾"食過
"麵豉湯"
內裏是雜菜、少量海鮮，估唔到好好喝啊
都話韓國啲湯好"正"架喇
吃完晚飯
路經便利店便買了這些零食
左上角"蜜瓜雪條"唔太甜幾好食
而左下角在酒店大堂餅房買的"藍莓鬆餅"完全唔好食
(文華酒店啲好食過佢喇)
薯片 OK 喎
Jeju @ day 0 1 2 3, Lotte Hotel, Teddy Bear Museum
