30/12/2007(sun)
喺零晨四時左右已到達機場，準備要 check in 登機喇
機場絕對唔寂靜，見有很多工作人員還正在工作
辦妥手續便入閘喇，晨咁早，梗係未有太多旅客喇
6:30 就起飛喇，飛機早餐唔駛多講喇
香港航空的空姐非常嚴格，比國泰更厲害
三、四個人一齊行埋嚟每行檢查(絕不走漏眼)，唔准行李擺在位子或身上(褸都唔可以)
一定要放在行李艙或椅底，相當認真
首爾同濟州已到過各兩次，對我哋嚟講絕不陌生
三個多小時的機程便到達濟州
好快辦好出境手續，便可出閘喇
在機場出面有工作人員派"濟州柑"，仲係每位旅客一袋(咁濶佬)
(香港旅發局學吓喇，唔好掛住買豪華保險至得架)
我同伴唔知發生乜事，竟然間唔敢攞
當然…給這個女子追住係要質佢要一袋柑
哈哈…傻得幾可愛，佢以為要比錢買喎
搭 Limousine Bus 600號可直達酒店門口
而車票有位肥姐姐會上車售賣的
約五十分鐘車程便可到達酒店
在車上已見到下起雪粉
樂天酒店
梳洗後，便出外揾食
酒店內的食店相當昻貴，好彩附近有一間尚算便宜的食店
"新雨城"
樓高兩層，見上層有旅行圑用餐，而地庫亦有食店，唔知係唔係同一老板
不過最慘冇餐牌睇兼唔知價錢
內裏全部九成是坐這個榻榻米的
坐一陣腳都痺呀，問你死未
都唔知叫乜嘢食好，又唔識睇、圖片又唔多
好彩有位女店員識小小英文，每樣解釋得好清楚
於是叫咗一 set "濟州鄉土定食"
每餐必定有的前菜，左下角的生蟹很是好味
海鮮湯
(內裏有蝦、瀨尿蝦、蟹同鮑魚，辣辣哋，都唔錯)
炒豬肉(可用生菜包嚟食)
(這個就麻麻哋，幾肥膩)
海鮮煎餅
(吃第一口就幾好食，再食好漏)
炸魚
(雖不算乾爭爭，但都唔係太好食)
極似驅風油味的茶
(淨呢餐先至送這兩杯茶咋，唔知係唔係叫五味子茶呢)
咁鬼難飲，送唔送都罷喇
食完午飯都好晏喇
便行去附近的 Teddy Bear Museum
太多相，整好一次先放上嚟睇喇
又行去第二個景點
買個入場票
"如美地"
裏面像極大陸 feel
咪就係睇呢啲無謂嘢囉
仲衰個動植物公園，那裏起碼唔駛畀入場費
又嘥錢喇，唉…一場嚟到，冇理由唔逛架
悶到嘔電，出面又落梗大雪，唔係一早走夾唔抖囉
返酒店，抖一抖、瞓一陣
夜啲，又去番午餐的地方開餐﹐那裏已做了我們幾天旳御用飯堂
一定有的前菜
牛肋骨湯
(好味到冇得頂，韓國人的湯係好好喝的，完全唔覺肥膩，好鮮甜，牛肋骨又軟腍唔嚡，超好味)
加埋白飯就已好飽肚喇
(好多韓國人都係一個湯加一碗飯就一餐喇)
石頭鍋飯
(喺首爾食過，都係覺唔係好食)
食飽飽，在附近的便利店買了小小用品，便返酒店去
食吓今日在機埸派的"濟州柑"，每袋有十二個，足夠呢三天的食用了
一袋就幾甜另一袋酸，唔駛錢係咁上下喇
其實真係好眼瞓，前一日又要返學，夜一夜至回家執行李
瞓一陣﹐又要搭車到機場
所以喺酒店一晚瞓天光，非常好瞓
Jeju @ day 0 1 2 3, Lotte Hotel, Teddy Bear Museum
