19/10/2007(fri)
酒店每天有簡餐供應
有飯團、麵包、沙律還有奶奶和乳酪
唔錯架
今日要到的地方係【松島】
車程約廿多分鐘
唔知係唔係自己"背"喇，到過日本 N 次
都未見過到站後要喺車內、外按掣才可開門架
好彩自己愛一眼關七啫，唔係實瘀爆啊
"松島"日本三景之一
嚟到冇理由唔走一趟啩
還未講"宮城縣"的天氣，每天氣温約12~18度左右
非常清涼舒服，絕唔覺凍
你睇啲日本人都好誇，著成咁好似快咗啲喎
買過船票，待夠鐘可登船喇
如要坐樓上餵海鷗，請再放低 600円吧
當天天氣烏雲滿佈，好彩就冇雨落，但景色就冇咁靚喇
海鷗會追住船隻，待人餵飼
你睇佢完全唔怕人架
睇吓我點餵佢哋食蝦條喇
(我都畀佢啄咗吓，既痛又流血)
下船後，行過對面馬路
兩旁有多間手信店售賣當地名物
再行入去可到【瑞巖寺】
嘩！ 一億円畀咗我就肥仔囉
冇入去【瑞巖寺】參觀
可惜時間唔啱，睇唔到紅葉
如兩旁樹木都變成紅葉，真係會好靚架
只在外圍逛逛咋
認唔認得佢呀
又逛到去一間小型市場
內有售賣即開生蠔，唔執輸買咗兩隻食，唔錯好食
(松島出名吃蠔)
又到食晏喇，冇心水隨隨便便去咗呢間"玉屋"攪掂喇
叫咗一份什錦燒烤同牛舌套餐，再加多份生蠔
食物尚算好食，尤其牛舌好味
松島有好多景點可去，我自己就鐘意水族館喇
又行到去第二間手信店
見到它便買嚟一試
"豆腐魚餅"要放在爐上，烤好才可食，好味道
買過入場券，嘩！乜裏面咁簡陋，同"海洋公園"冇得揮啊
好彩水族館內都有啲嘢睇吓，唔係實"蝕水"
大致上來來去去都係睇呢啲嘢喇
喺松島都玩咗大半日喇，雖不能盡興
但…最開心係可同海鷗近距離接觸
又可以餵佢哋食蝦條，係一個相當難忘的回憶
要走 lu
返仙台駅喇
喺地下街見到佢，唔去食好似對唔住自己咁
咪走咗去食囉
"伊達"牛舌
" 厚切"每天賣三十個，可惜已售罄，冇辦法喇
叫咗"份半"牛舌套餐兩個食，又係好味，如果有"厚切"我諗仲"正"
車站一帶有 Loft ,SPAL可逛
Halloween 擺設
好彩晚上先落雨，唔係就餵唔到海鷗喇
(每次去親旅行都有一日落雨，仲一定要買傘，激鬼死)
晚飯時間又到
little-spoon
"湯咖哩"係我最鐘意食的
一早已在超市買定喇
"螃蟹"喺香港買好貴
呢度就抵買好多啊
雖然冇時間去【青森】，但可買"青森蘋果"頂檔 ，又爽又甜"正"
香蕉、還有我摰愛的"巨峰"
