見有三日假期，"有得揀絕對唔會選擇去台灣"，於是同公司請多日(其實已冇晒假喇，唯有預支)，又可到我心儀之地(日本)。當然唔會係去東京喇，因睇過"雪映移城"的關係，已很有衝動走一趟，難得今次機會…老大都唔放過啊！
只得四天，嗱…頭尾已唔見二日，實得二日遊玩，所以沒有預去遠的地方，只好留待下次多假才同它拼過吧！
在十八號早上起程，機場絕對唔少人，尤其旅行團，我們乘搭"香港航空"出發到"仙台"，從未搭過此機，但它給我的印象唔錯，除了 check in 時地勤有些忙亂外，大致上很好，座位標榜闊落，亦沒有吹水，飛機餐都蠻好食，少見…
從 e 道過了關，惡夢就展開喇，一出閘根本就唔駛行，在外圍已開始排了三個大蛇餅，才可入內檔又再排過，在分岔口又沒有適當安排，梗係有人趁亂"打尖"喇，你一言我一語，結果當然係末完末了，有旅客向關員投訴，他們只一笑置之，像極了他們的老頂"曾生"的一番官腔好抱歉好無奈…吹漲，有啲仲激話呢份係你的工作，他們一樣沒有反應，如果打着份工係咁爽就發達喇…
約四個多五個鐘才到達，"仙台"我來也…
