18/10/2007(thu)
日本就到過好多次喇，仙台真係冇諗過會去
自睇完"雪映移城"後，心中時常記掛點都要去一次
不過可惜得四日，完全勁到喉唔到肺(就算畀你去一個月甚至一年，都係咁講架喇)
但…就勁有新鮮感，日本係我最鐘意到的地方…
要搭接駁車登機
見到機師位(好細小)
還有真人表演
電視掛在上方
派過小食花生，好快又派午飯喇
咖哩牛肉好食過照燒雞
(可以擺得入口，我都好少會讚架)
打吓機、瞓吓覺，好快到 lu
落機見到佢全相，咪影吓佢有幾靚仔囉
因得我哋一班機到着，到了入境處內，檢查都幾嚴格架
淨過檢查體温嗰關，都要一個個排住隊待關員叫 next ，才可再排隊過入境嗰關
最衰有條"茂利"冇填晒入境紙，擾攘了幾耐，又要排過第二條隊
變咗遲咗去攞行李，差唔多機場冇晒人，淨得我倆
關員冇嘢做，又喺度玩嘢，左查右查，同伴竟然要搜身(從未試過)
阻咗好多時間呀
機場外冇晒人喇
過完關都四點多鐘喇，又要搭車到市區下榻的酒店 lu
車站大堂
買過車票
可入閘上車
(miss 咗班車，又要等多幾個字才有車)
列車好短架(得幾卡咋)
座位舒適
廿五分鐘車程，到咗仙台站，拖住勁輕的行李去揾酒店喇
沿途我又發揮買嘢本性，逛咗一陣(費事畀人鬧)
嗱嗱臨走去揾酒店 lu
~~~~~~~~~~~~~~~~~~~~~~~~~~
放低行李，梳洗一番，便出發到附近食店吔嘢喇
仙台最出名係"牛舌"，"冇奶油"唔去食過夠
就去了呢間出名食店"利久"醫肚
肥哥哥正在炭燒牛舌
一份刺身丼加牛舌套餐
(牛舌非常好味，又爽又腍，刺身相當新鮮，個湯又好鮮味，勁正)
牛舌套餐
飯係"麥飯"唔係白飯
(牛舌份量較多，同樣好食)
我地入去時，都唔係太多人，一陣已全場爆滿，遲啲都冇位呀
~~~~~~~~~~~~~~~~~~~~~~~~~~~~
食飽飽後，見時間尚早，便行去西口逛"一番町"
其實有好多店舖都閂咗門喇，只係行吓啲漏網之魚啫
一番町好似大阪心齋橋，但我覺得它畀心齋橋還要好行，應該講它似神戶嗰幾條街多啲
有 pet shop 我實會行架喇
一番町內有幾條街仔，內有好多細小居酒屋
~~~~~~~~~~~~~~~~~~~~~~~~~
夜喇，漫步行番酒店，又買咗少量零食
酒店內有咖啡機可沖 coffee
喺"麥當當"買嘅"蝦包"勁好味，蝦又爽又彈牙
好食過上次喺台北 Mos 嘅蝦包啊
士多啤梨奶奶勁滑好味
薯片同洋蔥圈就"油麻地"喇
