N年前訂個
當然唔好吃喇
所以都對這沒有好感
今次訂都係睇口碑
見佢排行榜係首位‥
細盆都要六個人份量
冇計喇
我哋只得兩條友吃
吃唔晒‥咪留番去囉‥
佢在FB講到明要即日食用架
講真‥係食唔晒呀
只吃晒六隻蝦、雞得半隻、亦只吃了幾件
第二層有超大隻冬菇、我最怕吃喇
還有很多的腩肉
最底便是豬皮、腐竹、蘿蔔、白魚蛋、魷魚
以上幾樣沒什麼味道
尤其蘿蔔同豬皮、全唔入味
仲有啲硬
最差係啲魷魚、超硬又大片
把鬼啊
整個盆菜、比較好味係腩肉、不過有好多係好嚡囉、同未夠腍
應該可以做好啲喇
蘿蔔、豬皮、腐竹吃唔晒
我將佢再燜過
入味好多
諗諗吓、盆菜唔難做
最底層係最易做
這個我攪得掂
腩肉係麻煩咗啲啲
冬菇這個我燜得都唔錯架
切雞同蝦都不是難度高
咦！真的可以自己嚟
只是全部斬件做囉 (笑)
價錢都不用那麼貴啊
超碼好食好多喇！
係咪 )))
又伏‥
所以話個人口味唔同‥
盆菜跟有這套碗筷
我哋都冇用到
原來盆菜底有這個墊底的
這個應該係"梯" 嚟啩
當天我冇用佢來番熱食物
好彩咋
我拿來作蒸糕架用
一個鐘後
竟然變成這樣子
相當嚇人
好彩我沒有拿來番熱盆菜啫
