流淚吐司~

呢排係懶咗啲

冇乜用焗爐

但‥有用包機喎

唔係啲白神唔知點算好

過期多過食飯 (笑)

最近愛上喺fb 訂粉

又試了隻話日本最頂級的高粉凱撒琳

台灣人稱流淚吐司

唔明點解

意思係咪好吃到流淚呢！﹖
佢哋有時形容到係好鬼誇的(笑)

 

唔駛我講都知乜喇

真的巧巧味

我覺佢同白神很夾的

麵包質感很綿密還有牽絲

貴又唔係貴到讓人流淚

富澤賣嗰啲咪仲貴(笑)

人一世、都負擔得起咪試吓囉

又不是長期用‥係咪

不過我覺用金帆或皇后亦都做到這感覺

當然一定要用埋白神

見有人話白神好一般喎

可能見仁見智啩

我自己幾愛用

包包放三日還是那麼鬆軟

不用乜種、物種的 (笑)

 

這次搽了明太子醬加練乳

還微微烘過

 真的巧巧味架

包機已做了五次了

未試過用焗爐焗

揾日玩玩先

希望唔好失敗喇

 

 @@@@@@@@@@@@@@@@@@@@

八月份某天和朋友一同走咗去尖咀學包包
因自己已慕名ABC很久
有體驗班咪試玩吓囉
 



老友完全唔識

只間中用包機做包

我們係下午去學的、人數四位

小組教學

這個咖啡朱古力包

所用牛油之多

都幾嚇人

普通好吃啫

 

講真都幾 hard sell 架

但又沒有迫你

算係咁喇

學完當然希望你參與其他課堂

同班已有一個女子參與了

所以我倆可以順利甩難

 

點解唔報堂呢

教我們的導師唔 pro囉

連我老友係門外漢都有同感‥

導師實在太 green 了

教亦是一般

我諗‥我都不比她差

眼見其他組亦是一樣

我不是要這些囉

點解還要付錢學喎

都唔知會學到啲乜嘢

學費不是三兩百呀

好彩有 Trial lesson 試吓

唔係實呻笨