時間過得好快
轉眼間已踏入八月了
因工作關係全沒時間寫網誌
現在好得多
可偷得浮生了
舊年年尾去完的九州
亦應該開始寫喇
不能太散漫啊！
離開酒店，這處是必經之路
其實都似香港的叮叮
行到站旁
咦！未走住
吃早午餐先，係呀‥(都唔知形容佢係早或午好呢)
行李還在酒店呀‥
商場內有間包包店
不過我覺一般囉
吃了小小包包
店舖亦開門營業了
咖哩烏冬、朱扒丼Set
老公話咖哩烏冬又滑又煙韌
巧巧味喎
而另一個滑蛋朱扒飯同樣出色
一千円唔駛
扺食喇
幾拾蚊貨仔
又不是流水作業式
仲想點吖
天丼定食
不過我冇乜用
吃不晒
唔知點解，不是唔好吃呀
天婦羅做得不馬虎
唔算油膩
又係一千円唔駛
竟然間會有嚿蟹腳呀
可惜吃唔晒 D飯吖
內裏不算很大
起碼乾淨
服務員做嘢勤快
在商場內的
有去開不妨走入去吃吃吧！
離開店舖
睇睇其他有乜好吃
八卦吓啫
隔離有間食肆
都好平喎
有冇睇到枱上面有塊板隔開
即兩人或一人坐一邊
咁‥諗法相當唔錯喎‥
就算係搭枱都唔會尷尬
不用你眼望我眼
超正
係日本人才諗到如此周到的
真真寫個"服"字
###############################
吃飽飽
還未夠鐘
又四周逛逛喇
去旅行同喺香港都是必定動作
仲駛講
當然日本好逛多喇
嘩‥好平啫
簡真係超平宜啊！
咁大嚿都係三十元左右
不過香港唔多見有這樣的煙肉賣囉
飯盒都唔係貴吖
雖則話日本指數高
但‥總有平宜嘢吃的
雖然吃飽了
都令我有流口水之感架
一盒都算平
賣兩盒仲平‥
愛吃蔥的我倆
尤其係日本蔥呀
香港賣好貴喎
冇得帶走，惟有望梅止渴
買了少少東西
走人囉‥
舊年好興這鞋
見日本代購成日介紹
現場睇又不是太靚
不買了
慳番‥
*******************************
回酒店拎行李
又係另一個旅程的開始
其實真的很怕每天換酒店架
路途遙遠
但‥又不能不這樣啊！
喺車站見到
又多手買了試試
拜拜長崎
不知何日會重遊啊
冇睇眼鏡橋
喺度睇 Q版咪算囉
乜都話睇‥那有咁多時間吖
車未到
吃芝士蛋糕先
始終唔夠北海道 Mel Cheese 好吃
車到喇
去邊‥諌早駅
還要轉乘巴士到小浜
嘆温泉囉
車程要五十分鐘左右
上網 check資料不太多
問所訂的酒店
又沒有詳細說明
係最失敗的
去到巴士駅問售票員
那女服服員非常好人
見有車在外等候
即九秒九
幫我們入錢買票
我哋點解咁輪盡呢
咪上網資料都沒有這班車囉
拿臨道謝說再見
急不及待上車了‥
不是什麼大酒店
只是一間小型温泉旅館
為何會如此吸引我每日註足在電腦旁呢
就咁睇有乜咁吸引呀
要山長水遠走嚟
我上網查資料時
應沒有港人或大陸、台灣人入住過
揀呢間酒店
係我一手策劃的
起初係有點猶豫
因真的沒有明確指示點去
揾極資料都很少
想放棄時
老公看過環境亦被它吸引住
得他答應去馬
已不理三七廿一
訂了才算(笑)
check in 時係由一位肥的女服務員全程款待
呢份工很好做
平日有幾多客入住吖
酒店又不大
就算假期全部滿晒
又如何
我今次又發揮八卦本色
研究吓邊份工好做(笑)
已被老公話我 "厚多士" 了
最後佢咪又一樣加入我戰圑
一齊講(笑)
服務員帶我倆上樓
講解吓設施
好快便離開了
旅館得幾層高
我們住最高亦都係四樓
但個 view 已經不得了
一望無際
應這房間係最好的
可能我一早預訂啩‥
房間算大架喇
有成間屋咁大囉
一般設備
洗手間都濶落
只得這開水都唔夠飲
好似孤寒咗少少囉
給幾罐汽水、啤酒或礦泉水都好(笑)
都唔係貪心吖
係酒店小家
再睇多少少
温泉池都夠三至四人浸架
不過我們得兩個啫(笑)
還有這小型露台
浸完喺度 beer 番beer 都唔錯
可惜冇落雪兼唔凍
始終下面都有車輛停泊
即有人經過喇
浸時都要拉這塊膠簾
以策安全(笑)
不過起碼唔係密室之謎就得喇
最怕一啲温泉係浴缸或喺房內不見天日嗰種
有得揀、現在絕不喜愛揀這囉
搭早咗班車
當然冇咁早浸喇
出外四維走走
酒店隔離便是這了
即手信店
而這裏有埋蠔吃
本想吃這
經上次吃過不是燒蠔
而這係烚的
老公唔肯同我分甘
惟有作罷
其實喺温泉一帶都煙霧彌漫
在這付錢買完
便可自己攪掂‥
烚蛋、烚蕃薯囉
當天有乜就烚乜喇‥
呢道有條好長的温泉池
畀人浸臭腳的
下面小童也可浸
不會有危險
當天不多人
只有我倆同三個日本女仕
幾爽呀‥
唉！忘記帶毛巾抹腳
惟有攞自己對臭袜抹囉
反正都回酒店
日落真的很靚
放鬆了心情又同自己所愛的人一齊欣賞(肉麻)
係唔同啲架(笑)
返酒店換過鞋袜
出發吃晚飯
不是喺温泉吃呀
看過付錢吃的係法式
因喺北海道住温泉時亦吃過一餐法式
覺麻麻
睇埋相亦只覺一般
心想係想吃會席的‥
可惜沒有
見酒店有介紹附近一些食肆
一於去碰碰運氣吧！
攞了酒店給的地圖
由未天黑行到天黑‥
揾了好幾間好像沒有開門營業又或是結業咁
唉！超失望
又逛了附近一間超市
買了一些飲料
哈‥佢哋真的有很多嘢送
見刺身一般
諗住想吃、又冇得你吃
激屎
唔係好多地方有長崎拉麵買架
呢度又有
麵質真的不同
我冇買呀
還有咁多日行程
點拎
最終行到筋疲力盡
都找不到一間餐廳吃東西
在最唔想再吃這間時
都逼於無奈就範
老公同我都嘴扁扁喇
冇計吖
鬼叫酒店啲山埃貼士食肆係流料咩
我的
因我愛吃生蠔
既然老公不肯陪食
咁啱有季節限定
自己攪掂
都算好味‥不過可能吃過一次這間
又喺四海樓吃過正宗的長崎拉麵
已對佢冇乜興趣了
為求質飽個肚
算喇
哈‥咁寫法比人打呀
懶招積咁‥
老公已唔想再吃長崎拉麵
叫了個兒童餐
佢話好食喎(笑)
我唔係招積
只係三日旅程都吃相同嘢
真有點厭囉
加上吃過正宗嘅
有得比較
懷著不是很滿意的心情回温泉
我倆不其言開聲講了句
早知喺酒店吃喇
咁‥先似住温泉酒店吖麻
不滿還不滿
咪算囉
收拾不快心情
沖個靚涼
走去浸温泉囉
左邊枝護髮素幾鬼好用
本想買埋洗頭水
在衡量得失下
買了謢髮素
唔理咁多
沖好身、即浸
真的可容納三人以上架
我好簡單的
最緊要唔係喺密室浸
當然最好有海景喇‥
有這個景真的無話說
夫復可求
無得輸喇‥(笑)
%%%%%%%%%%%%%%%%%%%%%%%
浸完真的舒暢無比
整個身體暖和
雖然不是太凍‥
但都是冬天嚟吖麻
温泉送的
不過不好吃
超甜
之前喺超市買了這
其實已冇以前喺酒店晚晚吃宵夜了
點解呢！改了漏習或還是孤寒
兩者也不是
係因為每天都要換酒店
執嘢都已好煩
那有心情吖
打亂我們的習慣就真
老公已話每晚都囉囉攣了(笑)
長崎出名的名物
好吃與否
都要試試吖
有人話福砂屋好吃啲
咪買佢囉
當然不是我刀功了得喇
已經切好了一片片
底有一層糖粒
質地相當綿蜜、鬆軟
老公覺唔太甜
但我已覺係超甜了
吃一件還可以
多件咪喇‥
全部老公 ko
佢話可以喎
所以食嘢真的見仁見智
攤抖一陣
又再浸過‥
當晚反覆都浸了三次了
住温泉旅館尤其係冬天
冇這個真的不能
因有開暖氣關係‥
唔用它
真屎得‥
呢部嘢真幾古老呀
喺日本呢個電器咁先進國家
真不難發現還有很多古董的
每次浸過温泉
真好快入睡
這旅館真的很正
望著如此海景加上温泉
如果落埋雪
簡直 prefect
大愛！
我同老公係超愛、超愛日本這地方
但並不喜愛做日本人喎
有幾好自己search 吓喇
你睇佢好，其實有幾好呀
有錢去旅行踏足這地方已很開心了
每次去日本玩
朋友必說又返鄉下呀
每次都畀我噴到一面屁
最討厭人講又返鄉下呀
返乜鬼鄉下啫
自己又不是日本人
不知所謂
