去完九州已有一段日子了
我知係要快快寫埋整個旅遊網誌
但‥真的太忙了
沒有衝動進行
又唔想求其了事
儘量lu (笑)
呢個旅程要不斷換酒店
冇咁舒服架
喺酒店放低件大嘢
幾天後再見喇
早餐未吃
在車駅附近攪掂
隨意找找
就入了去喇
環境唔錯‥
仲冇乜人添
就算有‥都係上了年紀的西裝友多
年輕的不愛吃這
日本人早餐愛吃飯的
慣唔慣
一餐半餐冇乜所謂
我好喜愛吃這
喺香港好多日式食肆都有這喇
不過‥當然沒有喺日本吃那麼正宗了
温泉蛋、三文魚、豆腐
係我至愛
早餐吃那麼多嘢
真的很飽‥
鯖魚又係我至愛
唔知點解覺喺日本吃特別滋味
心情唔同啩(笑)
飯竟然間都有得揀
白飯或麥飯
只要你喜歡‥
巧巧味
嘩‥早上吃那麼有營養的一餐
充滿活力
總好過吃煎雙蛋公仔麵啩
咁既價錢比起喺香港吃公仔麵餐係貴了點
有得揀
我不喜吃香港的A B C餐架
好食、抵食
裏面工作人員得一個上了年紀的嬏嬏
雖然人唔多
但捧餐都捧到手軟
叻叻
*************************
吃了充滿力量的早餐
人都醒神啲
有魄力到下個目的地了
靚仔車車
車長見我倆喺度影相
竟然走出車外
替我們拍照
雖影到鬆、郁、矇(笑)
無論如何都十分感謝你的熱誠
多謝呀！
我哋唔係搭呢架車喎
呢架至係囉
車頭好似有眼、鼻子咁
是不﹖！
到達目的地
行出車廂
已見到有很多流浪貓了
忽然令我想起大阪有、呢度也有
不過同貓唔同命啫
佢哋有少少怕人架‥
行埋去已四散
不過畀我見到佢哋還有一對很小的貓bb
希望你們生活愉快呀‥
除咗有貓
還有這艘御朱印船
拜拜車車
邊度嚟架呢度
咪去長崎囉
上次行程冇去過
當然今次要到此一遊喇
車駅當天都很靜
沒有什麼遊人
咪得我倆係囉‥
手信店
見有咁多長崎拉麵
才感覺真的到了長崎(笑)
還有這個 くまモン
講真已沒有太多地方見到了
熊本產地都冇乜呀
現在香港才有
一田仲整個shop賣這
好像慢了很多拍喎
早排途經Sogo 喺超市event 又有這個賣
見很多人買日記部、袋之類等
sales 姐姐並不專業
仲介紹我買呢個袋喇、剩番一個咋
好似唔買就相當蝕咁
可惜姐姐連呢隻係乜東東都還未識講﹖﹖﹖
R頭‥唉
以上就係長崎車駅外所見
裏面亦有好多嘢逛
拖住行李
當然揾酒店check in 先喇
經過天橋已見到有咁多鴿鴿了
佢哋絕不怕人
應該有人餵的‥
我覺日本妹好喜歡"踎"的
同大陸人一樣
小姐‥你知唔知自己走光呀！﹖
落咗天橋
行冇幾耐、已到 Hotel WingPort了
今次旅程
所有酒店都係我自己一手攪掂
不假手於人
日本係咪現在開始
check in時已要即刻付錢、不是在check out 才給的
以前不是這樣的
係咪又有人走數呀
影衰晒
這間沒有福崗大
相差又不是太遠啫
乾淨、整齊算喇‥
窗口還可望街景、不是密室或後梯景囉(笑)
我覺總好過香港某些賓館吖
都有好多韓、日旅人住
咪最近在北角火災嗰度囉
見到都怕怕
喺酒店梳洗吓
唔嘥時間
出發喇
喺天橋影吓長崎駅先
去邊呢
我倆除咗食‥都係食囉
我還有一樣咪買囉(笑)
買咗一日電車券
出發喇
搭咗幾個站電車
便到長崎港了
今午要揾食地方
便是這店
吃什麼
海鮮丼丼呀‥
午飯時間都幾多人
被安排入房
鄰座已有兩個西裝友
佢哋不斷煲煙
唉！咪攪喇
要求叫姐姐換位
這個位仲好
冇壓迫感、又通爽
這個其實係露天位
只不過用帳蓬搭建而成
當天不凍
店員想開暖氣
我已叫他不用了
唔諗‥就叫呢兩個喇
都唔係貴吖(笑)
我的
摯愛的配搭
新鮮到
香港點食到呀
就算有‥一係好貴嗰隻、食唔起
唔係就嚇屎人無命賠嗰種
嘥鬼氣
突然諗起香港嗰間出名到世界聞名的"地獄寿司"(笑)
實在太小
唔夠喉呀‥
海鮮丼
老公話雖然沒有怎樣刻意擺設
感覺好家庭 Feel
但真的很新鮮、巧味
香港真的吃不到
我又唔覺擺設差喎
比佢見到我咁寫
實剷我上天台(笑)
蠔我都幾愛吃
(冰廂還有一袋廣島蠔、還未知怎樣解決)
見佢係燒
唔‥一定好香口的
老公又可以分甘
order 後
肥老細已在我後面整
咦！
乜唔係燒架咩
係放入焗爐咋噃
未免有啲呃人囉‥
當然唔夠燒咁好味喇
但‥都還可以
心裡總覺佢呃人囉
日本人都係咁喇‥依家
唔老實
店舖內有好多呢啲
柿‥原來佢哋咁樣吊住風乾架
又浸了一樽樽是不是梅乾呢
吃飽飽
走人
舖外‥便是這樣子
如果坐出外
可望海架
外面一帶
當天很靜呀
路過其他店舖
見有人真係將啲蠔放上爐去燒的
唉！
仲見到有三個老伯一齊燒添
(又比我諗到無記做三個小生去旅行) (笑)
*************************
下一程去那
咪附近嗰間you me
我好愛逛日本超市架
雖煮嘢唔叻
但‥八吓都得啫
雲仙特產有冬菇
咪買來試試
上次講冇乜味
因我拿來焗飯‥
反而炆嘢會好啲啲
大根都靚靚
有葉架、仲鬼屎咁長添
冇得頂的柿乾
香港冇這款賣啊！
有見其他
北海道嗰隻吖麻
都冇呢隻咁鬼正‥
嘩！棵靚菜真係咁鬼正
新鮮到不得了
香港有咁‥就好喇
香港好多人猛喺度浸呢個
我反而覺日本人冇咁興喎‥
除咗買乾燥的、現成浸好的
還有白色箭咀嗰樽都係架‥
不過佢係液體
愛買乜咪買囉) ) )
當然去到長崎
一定有這喇
真架
第二處冇乜見有
有整麵包既我
都會留意下包粉市況喇
容易喺超市買到的
真不是貴
但一來到香港
就‥物離鄉貴囉
日本人做包不一定買貴粉的
如有看開日本網誌的
當然‥亦有人買如富澤嗰種
總之‥見她們會有間開用囉) ) )
日本人未必乜都用貴粉同酵母
只是我哋啲港、台人好似覺唔用唔得咁
自己都笑緊自己
**********************
逛完呢間算幾大的超市
途經另一間鮮魚店
又走去看看
係咪唔貴呀
我覺係囉
*************************
好喇
已逛了好耐了
要返酒店攤唞吓
街上人影都唔多隻架
赤壁之戰(笑)
佢哋啲電車幾好架
扶手都有分高、低的
幾咁細心
***************
返到酒店
執執嘢先‥
唔係只得東橫才有嘢送
呢間也有呀
老公話‥呢幾包還在呀
都未用喎
買咗嘢食
當然吃吓喇
其實每日換酒店有辣有唔辣
除可住多幾間外
係極度辛苦的
每日所到過的地方
唔多唔少都會買啲嘢架
還每日拖住個沉重行李上路
亦是一件苦差
個喼到最後嗰日已迫爆了
*******************
晚喇
又係要出外覓食了
買了一日電車券
必有用的
下車行冇幾耐已到了
絕不難揾
如有做功課
成棟建築物都幾大架
只係得一間食肆咋
外形似大陸又似台灣
是嗎﹖﹖
會去或有去過九州長崎
都會知有這間四海樓
元祖長崎拉麵
不可不試喇‥是冇
一碗都唔係好貴
又見到這個
覺幾好
不過‥係不可以叫一份的
一定二人前
咁‥就呢個喇
裏面好大架
樓底又高
仲還係在最高層吃
食環境囉‥
安排坐這個無敵大海景位
又望到世界三大夜景之一稻佐山
係咪食景都抵呀
駛唔駛咁浪漫呀
中式店咋喎(笑)
粟米蛋湯
咪當佢係罐頭湯囉(笑)
都算唔錯喇
當然冇我哋香港整得咁好吃
以我百彈齋主都冇投訴
算可以了
韮菜、蝦炒蛋
拎出嚟時都覺唔方好吃
成 Pat咁
又杰又濕
哈‥估唔到又幾好味喎
蝦都幾彈牙
味道又唔錯‥
蛋又不會過老
真係物不可以貎相啊
我最想吃的主角終出場了
那奶白色的湯底用雞骨同豬骨熬煮而成
真的非常巧味
又有那麼多的椰菜
麵條係粗身的
又是我like的喎
我講你知吖
如果你未吃過真正的長崎拉麵
真的不要講乜乜的長崎拉麵好吃
比人笑的
比人笑的
香港亦開了間 Ringerhut亦係長崎來的
當然這不是真正元祖了
我在這個旅程亦吃了兩次 Ringerhut
都覺可以
只係多了很多味精啫(笑)
但‥一吃了這
已唔駛再講落去了
簡直冇得比同唔駛比‥
甜品
諗住都係一般貨式
又估唔到幾鬼好味
唔貴喇
服務同環境都咁好
食物亦不錯
食完呢餐已夜了
整間店舖當夜都不是很多人
一人去吃的也有
咪就係品嚐佢嗰碗長崎拉麵囉
咁鬼大座
只用來做食肆
係咪嘥料呢
喺香港可能已一早不存在了
拿來起樓好過
所以好多嘢已冇乜特色喇
一路寫到這裏
又令我勾起這道美味回憶
但‥都冇乜可能會再去呢處了‥
****************
下站去那
都未見過咁鬼屎的中華街
裏面好多冇開店
靜幽幽的
把鬼！
喺附近又有超市逛
當然又行吓喇
見這個究竟係乜傢伙呢
原來係‥
又幾鬼得意喎
老公唔准買呀‥
哼！咪睇咗當買咗囉
返來不久‥見CC叔婆有售
因要揾某間店舖
所以無意中行到這裏
原來這條街有三間算幾大的藥妝店
都唔算太夜
街上已不是很多人了
買了一些物品
我們亦要打道回酒店了
又買了 Mask返酒店兩條友敷喇
幾好喎
有夾拿出
乾淨好多啊！
一般好用喇‥
一場嚟到長崎
我哋在港有Plan 會去看三大夜景的
點知去四海樓吃完拉麵後
所有計劃全推番了
因喺四海樓可看見稻佐山夜景
雖沒有咁清楚
但‥都算了
寫這個網誌都用了五至六個鐘
執相呀、打字呀
所以我唔願寫就係此原因
睇人家的網誌攞料一陣就看完
別人喺背後所付出的
冇人係會知的‥
有時我一路打一路呻
老公就會話
冇人叫妳寫喎
當然他係不會寫的
佢只會寫啲嘢好好食同啲團友好好就算
咁‥何來有團友呢！
莫非是我(笑)
