培養咗星野不得不造包的
唔做‥盞浪費
喺日本買了草莓粉同菓醬粒
咪拎出嚟用囉
仲唔用、留嚟煲醋咩(笑)
仲唔用、留嚟煲醋咩(笑)
這個包包
真得來不易
係咪發覺我好多麻煩嘢發生呢
初心者係咁架喇
(唉！又認自己係初哥) (笑)
的而且確係喎
麵糰相當黏 lup
不是水多嗰種呀
應係草莓粉或草莓粒所至
你知喇用星野齋發酵都係相當費時的
還在冬天裏
我自己有自己一套發酵方法
都萬無一失的
點知今次真的出樹了
簡直用什麼方法都很難發大少少
個麵糰好似發緊美夢咁‥
大都唔大吓@@
在左諗右諗之下
給我諗到什麼原因了
根本星野係唔適合做這麼甜的包
真係見99.9% 人都係做素包多
唉！不要怪食譜唔得
人家日本作者食譜係用速酵吖嘛
衰在自己烚吓烚吓
把它轉換了
漫長時間的等‥等‥等
寂寞到夜深
又諗過作低温的
最後亦冇做
一刹那‥係諗過將佢丟掉架
但又唔服氣
一於同佢鬥長命
幾經艱辛、才把佢養大
唉！既然已想放棄
好‥咪入爐試試
結果‥係焗到個包包出嚟
就咁睇唔覺有乜樹
亦沒有酸味
包包都可入口
味道除咗稍甜外(其實自己都不愛吃甜的)
係咪揾嚟攪吖
質感還可以
咁‥即係點呢
噚日做即吃都冇乜問題
但‥今天吃就
都幾鬼硬同好重手囉
難為我老公‥傻的‥
比佢吃、佢唔理咁多、照吃無誤‥
我‥稍一不妥
哼！全袋送了給大口仔喇
唉！真的嘥心機、嘥時間、嘥材料啊
以後真的小心
不是每隻酵母都可以的
我又諗到應用 panettone mother 一定冇問題喎
不過太甜的包包
並不是我杯茶
應不會出現喇啩‥希望係(笑)
之前養過工房種
已用了它作吐司‥
不是人手入爐、 HB 做的
我將會用同一食譜不加工房種、睇吓兩者的分別
稍後再說‥
最近有人問我會不會把白神養起嚟
大佬‥都見到我有兩大包
加上自己出產包包量之少‥
點養呀) ) )
可以答你
根本我從冇諗過養
眼見分享教人怎樣養的
都大多沒有繼續了
我亦沒這個能耐、耐性
唔好煩我好了
只知如捨得買嚟用咪買 (代買很貴、咪等去日本才買囉)
冇得話返唔到轉頭架‥好不喜歡聽這句話‥只有不負責任的人才會說
(馬死落地行、幸福不是必然的‥切記)
如不‥咪用番速酵囉
做乜將人家好好哋的酵母
變到唔似貓、唔似狗呢！
