釡山賞楓の旅@day 3

 

擺咗喺草稿都冇咗
雅虎你攪乜鬼呀‥
你知人家寫得好辛苦嗎！﹖

當天既行程喺一路向西
" 西面 "

逛街兼吃嘢‥

 去到邊都見到他
我知有很多女生對佢著迷
靚咩‥

 離開地下街
走去地面
揾今天要吃的

 內裏很細

 

真一眼看晒
只有這席地而坐
沒有其他了

 餐牌好簡單、唔會唔識睇喇
好似仲有圖添‥
今朝的早餐
人蔘雞湯

 

同大嬸傾完一輪
要點什麼
好快已有這堆前菜了
雖則第三天
但‥見到啲泡菜真有些微恐懼

 

 等了十多分鐘
終出埸
很餓了‥

 我倆點的飽魚蔘雞湯

 

 亞珠媽會幫你把飽魚剪開
教我哋用塩點食物同吃
她已知我倆從那裏來
又問 " 塩 " 廣東話點講、很好學呀

 韓國啲乜湯物湯很好喝的
真是掛念得很
不過這個我哋覺稍為同首爾、濟洲唔同
淡咗啲囉
我哋鐘意 " 重口味" 嗎！(笑)

 

好容易去的
喺樂天百貨免稅店後門對面

吃完我都去咗免稅店買了很多嘢
見很多團‥喺日本團
全部清一色女性
在免稅店逛來逛去
她們不是買雪花秀喎
只是買一些中、低價護膚品吧！

想行耐啲都唔好意思
見老公戇居居咁等我‥
三扒兩撥買完鬆人
嗱‥去呢啲地方
真係同女性好友同行好啲


因買了很多嘢關係
不得唔拎番酒店
你知嗎！那天大雨到不得了
拎住兩大袋沉重的戰利品回到釡出站時
就算有傘都冇用
見車站有 Locker
原來只剩番一個、仲係中型的
咁大袋嘢惟有夾硬隊入去
唔係可以點
最好笑係我哋唔夠散銀
四圍探頭看睇吓有冇地方打散去之際
有個男的應該係管理 locker 啩
同我倆嘰嘰咕咕、身體語言搭夠
拿了我手上的散銀、應該尚欠100 won 左右
用鎖匙開了，叫我哋擺東西放入去
跟住又解釋一番
我哋惟有哦‥哦咁囉
諗番都好兒戲啫
佢可隨便開人家的 locker
不過當時都唔諗得咁多嘢架喇
最想係擺脫嗰兩袋嘢嗎！


又再搭番車去西面

在地下街不斷遊遊盪盪
雖然地下街好長好長、有好多嘢賣
但‥大多係賣護膚品居多、其次係賣衫囉
衫係多數 MK 貨
唔係好啱呀‥

冇傘呀‥
咪又要買囉
唔係點逛出去喎

 

 想轉戰地面
可惜還是滂沱大雨

 應該講係沒有停過
認真係長命雨嚟

硬著頭皮
担著傘、都四維逛吓
原來西面既地面係冇乜嘢好逛架
嘥鬼氣‥
又唔想回酒店
反正衫、同鞋已濕了
咪繼續未完之旅囉

 左穿右插比我倆見到有嘢吃
都四、五點喇
我倆不是坐這個啊
有卡位的、有得挨的 (冇腰骨) (笑)

 午餐還未吃
價錢又唔係貴喎

 

同亞珠媽講不要太辣
好快已有得吃喇
一大碟有雞又有好似薯粉之物
韓國都好興吃這
香港好幾本旅遊書都有推介

 好味啊！
非常入味‥
齋吃它都飽
還叫了白飯啊
呢餐都好飽肚了
雞件係稍為嚡咗啲
唔係就更好‥

一路吃
外面還是下過不停
只是稍為小了點
唔夠一陣又大番喇

 

 

店舖都幾大架
座得舒服囉



走喇‥
趁不是太大雨
便急急腳離開 lu

 

 

 

喺樂天百貨地下街便可看見了
見幾靚、咪影囉

 在地下街又遊多一陣
打道回府了
都夜喇

 晚上冇再出去吃喇
因鬼屎咁大雨
大家都唔願出去
在超市買了一些零食便算



***********************************************


酒店住多幾日
就會發覺好多唔妥

房門好心就換咗去喇
既然番新過
換啲又唔換啲
講番度門吖
好似係鐵門嚟
覺似閂唔埋咁‥
好鬼驚畀人撞入嚟架
其實用腳大力一踢都可踢開
好兒戲囉

 還有每日如厠後
習慣按這粒掣
原來不是啊
比佢玩死
因屋企係咁吖麻‥

 沖水掣在此
我每日都會忘記
因老人痴呆
無計！

 酒店真愈住愈多唔鐘意同缺憾
竟然間有"蚊"呀
每日起床時
都檢查吓身體
手腳都被牠釘了很多紅點
真係有冇九菜吖
在無計可諗吓
算‥唔好釘面呀、冇面比架
惹蚊如我、最怕這
超討厭

第三日寫完喇
因超容易寫的一天
如果唔係家裏發生了一些事
應好快出的
第四日如無意外
希望會快快面世啊！
真唔想拖太久了‥