嵯峨野~

日本菜我倆很喜歡吃
有平有貴
百零蚊貨仔的我哋唔係好敢去食
現在啲食物咁貴
產地來源、質數都好重要
唔係好似肥媽話 " 食平啲 "
佢買嗰啲嘢
本人有些保留‥

 食店已開了多年
口碑唔錯
成日 up 住話去吃
但‥冇一次兌現啫

 

因利成便有藉口
本人生日
咪走去擦番餐囉 (笑)

食店十二點營業
不過佢真係十二點才開門
(點解唔可提早十分鐘開門呢‥自己好做啲兼唔駛咁煩)
一開門，已很多人蜂擁而上
加上人手唔夠
又要睇乜名留位又要帶位
都擾讓了十多廿分鐘
我倆有位坐時
鄰座客人已一早落了 order

我哋唔係話食店呃客人時間‥
但咁既低能服務
很難服眾囉‥

 

 枱面有酸甜醬同麻醬
我哋諗緊有何用﹖！
好像九唔搭八囉
尤其酸甜醬

 第一個便嚟這個先
剝了好耐‥還未有第二樣食物

眼見鄰座食物源源不絕送上
嘩！都打個突
好勁 ) ) ) 好擦得
兩個上了年紀的中年夫婦
竟然有這樣的食力
甘拜下風！

 睇落係咪好靚好新鮮呢
講比你聴吖
除甜蝦同三文魚可以外
其他全唔得

都唔明點解得咁少刺身可選
得嗰五樣
百零蚊的任食放題比佢還多得揀
初初諗貴精不貴多喇
算‥
但‥又冇奶油少得咁可憐架
帶子又冇‥失望

 寿司都唔得多選擇
又係一般
冇奶油食晒寿司同手卷咁蠢架
一陣就飽晒喇

 唔想 order 架
真係冇乜好叫呀
咪‥叫一份囉

 雜錦天婦羅
滿口都是油、唔覺有幾好
想叫南瓜、同蕃薯都不敢了

 刺身係我哋最愛吃的
第一 round 知那樣好食
第二 round  咪叫自己愛吃嗰啲囉
吞拿魚、油甘魚、鯛魚都只係叫一份
都唔鬼知佢有啲又畀幾份做乜鬼
食唔晒要罰錢喎
唔好玩喇
嗰啲又多筋又唔新鮮
放入口完全沒有鮮味的

 蟹籽沙律
一人份係咁少咋
保險架叫呢啲
如果咁都唔好吃
係咪抵打呢！

 蔥免治吞拿魚腩飯
這個比其他好得多呀
不過真係食唔晒啲飯囉

 燒物類
塩燒牛舌、雞亦、鯖魚
完全唔得
除西京燒銀鱈魚可以外
又乾、又柴、又冇味
嵯峨野你哋究竟攪乜鬼呀 ) ) )

 露筍煙肉卷串燒
嚿煙肉又嚡又乾‥
放落口都吐番出嚟

 姜汁燒黑豚肉
嚡夾冇味道

 到鐵板燒
都唔好得去邊
美國西冷同西冷薄燒
韌到都咬唔開同冇味道
食一件見唔妥
都冇吃喇
話之你罰錢吖
其實我哋已好保險架喇
只 order 一人份
好食的才再叫
可惜‥

  我好愛吃帶子
既然冇刺身只有熟食
都要叫架喇
一 order 就叫了五人份量
今次真係捉蟲喇
都唔知乜鬼帶子嚟
咬落去冇味又吞唔落又多渣
迫不得意吐番晒出嚟
屎喇！咁多點好呢
唯有揾地方收藏佢喇 (笑)

大佬‥中式西蘭花炒帶子好好吃喎
點解呢啲咁鬼難食架

 炒海蝦
除嗰幾條菇菇同韭菜花入味外
嗰五人份量的海蝦又係經典之作
仲衰過好多冰鮮蝦
救命呀！﹖
點解會咁架
而家明白最初講點解會有酸甜醬同麻醬囉
原來比你愛嚟咁用
可惜我哋已全部做齊
係藥石無靈囉
剩番咁多係度又唔食
咁點收科呢
咪又係左塞右塞囉 (笑)
可以講鐵板燒食物冇樣可以

 最後的甜品
全場最、最、最好味的係嚿菠蘿同柚子雪葩

食完呢餐
我兩條友都幾火架
真係有冇韭菜呀
想爆粗囉
見開飯讚到好評如潮
不過打手多的是 (好鄙視這些人架)
原來係咁鬼樣的
咪玩喇



食家如 X san 都曾點名力讚
不過我哋已一早唔信佢喇
因覺他已有些 " 回塘 "
早年亦試過他推介的鹿悅咪又係唔得、瀨嘢囉
怕怕

不過我明架
有些人要求唔同
level 去到邊各有界線

本應已忘記呢餐架喇
今日一寫
又挑起我閙佢條筋
嬲爆囉！
老公已係好好脾氣既人
連佢都閙埋一份
可知呢！


唉！咁既價錢
拎啲錢去 " 美村 "食好過喇
不貪任食
只求質數啊！