宏~

yahoo 好似有限寫幾多字元
同一日 po 幾多網誌
違規的‥
唔知會點、點、點‥
已有人給他封 blog 了
好 " 很 " 煩
簡直擾人
亳無保障呀
真要快快做 back up !

幾鐘意食一啲日本輕食
日本好多這些
香港一有已很多人排隊品嚐
睇過食評
平均唔錯‥

有 set 的
蘋果茶、芒果茶
這些花草茶
真不是我杯茶

套餐除茶一杯外還有麵一碗
沙律菜同一份甜品
份量唔多

女生吃的都夠了

 

 ok 好食

呢啲好易整
揾日買包菜玩玩先

老公的义燒醬油烏冬
义燒又嚡夾無味
惟一係個醬汁湯底做得唔錯
佢哋叫這個做烏冬
但樣子極似蕎麥
不過‥幾好食

這個都係餐
温泉蛋烏冬嚟
我極愛吃此蛋，每見到餐牌有的
例牌必點
烏冬不是滑滑的
雖則名字係咁叫，但‥我哋當佢係蕎麥咁吃喇
店員曾解釋過
不過忘記了
我覺好吃架
見食評大多讚甜品好
好少話麵食出息
我又唔同咁講法囉
始終各人口味唔同、一定要自己試過才可

講過卷蛋不是我杯茶
老公至愛
亦都是食評一致推介必吃的
其實之前我已走去吃過一趟了
今次只係陪老公享用

食後評價
他同我一致認為不是講到咁好吃囉
綠茶味不太出
忌廉又唔夠滑
蛋糕體算鬆化(咁‥呢樣我都做到喇)
嗱‥食呢餐前係未食堂島卷架


喺店舖門口張貼了老闆對堂島卷同佢自家卷蛋評價
初初睇完都幾同意他的說法
但‥當吃過堂島後
又唔係咁諗喇

大致如下
日本老闆說：1)堂島卷由日本做完，要經一日才送至香港
2)香港經解凍才推出市面
3)始終都唔夠佢哋啲卷蛋即日在廚房做加上現賣，來得新鮮

當你睇完，係覺得他說得很對
嗰一刹那，哦‥咁唔去買堂島試囉
真架！當時我曾有此念頭

不過‥好在我有做到
都買了堂島一試

唔係就被佢蒙在鼓裡
大家做法唔同
師傅唔同
始終係有些唔同喇
吃後更加覺佢哋啲唔好吃

 

還有我試了這個
士多啤梨、榛子味
唔太覺有這個味道囉
同都幾鬼甜
唔緊要喇‥

最敗筆係乜
既腍又不鬆化
放落口係一 pat 咁
不如講佢 " 潮 " 咗囉，係潮咗，並不是" 潮潮 " 知嗎﹖！(笑)
咁‥都仲畀人吃
比我一早掉咗喇‥
點讚得落呀！

我只覺佢啲烏冬可以一吃啫！
其他‥
日後唔知