上次食過 北海道牛奶軟雪糕後
心思思又想再食過
"牛奶軟雪糕加紅荳同白玉"
呢杯咁嘅嘢要 $30大元
因加了以上兩款
杯內有三粒"白玉"和少量紅荳
煙煙韌韌，不過我唔 like
(我好怕食湯丸咁既物體，因唔識吞)
其實唔提意加囉，冇乜特別
又貴咗 $8蚊雞
雪糕依然好味
唔知點解加嗰兩樣嘢，都整咗好耐
攪到杯雪糕差唔多"溶"咁滯
今年至第二次食咋
真係令人回味
呢個時間係收穫期
所以唔好嘥咗個咁好機會
哦…原來水蜜桃日本首選係"山梨縣"最靚
我唔執輸
都買咗兩個又红又大既 もも
今次買真係好大…大個喎
未食睇到都流口水
又多水又多汁
加上非常清甜
"件披"都薄如蟬翼，一撕即破
唔好嘥
係應該連皮一齊吃的
我又攪攪震
攞咗幾片桃嚟做果凍
一樣咁好味道架
(嫌煩梗係唔好學我喇)
逛親超市就停唔到手
梗要買吓至安樂
我好鐘意食呢款"たらみ" jelly
好想日日食啊
呢款有各式唔同雜果
好好味道
當然還有多款選擇
呢個都幾似我整嗰款 雜果果凍 喎
但自己買材料，又唔可以每樣買啲啲
生果又貴
都係買呢個較為划算呀
(雖然都唔平)
乾手淨腳，啱懶人如我
大滿足！
