大多港人愛北上按摩、gel 甲、做窗簾等玩意
對呢啲完全沒有興趣
所以咪冇撩起我條根去囉
見好耐冇去大陸
一於走去揾食
"江南味道"
我哋較為喜愛吃中式
(所以返大陸都會選呢啲)
原來呢度每碟餸都的的骰骰
"肴肉"
同香港吃有啲唔同，比較晶瑩剔透
冇咁多肉，但…同樣好吃
呢個得呀！
"生煎包"
饀不是太 juicy
又不是"乾爭爭"，都 OK 好食
起碼熱辣辣
當然唔可以同"蘇浙"比
可以喇！
"東坡肉"
喺香港時，成日都想叫架喇
咪比佢嚿肥豬肉嚇親囉
哼…今次
相當肥美
我哋好無用呀
只敢食瘦嗰部份咋，哈…又唔嚡好食喎
肥嗰啲…只好把它丟掉吧喇
始終都豁唔到出去啊！
"油爆蝦"
呢碟"蝦"真係好、好味道呀
啲"蝦仔"每隻比 bb 手指尾大小小
可連殼吞埋(唔知消唔消化到呢)
唯一不足是甜咗少少囉！
****************************************
食完午餐，都幾晏吓喇，喺商場逛咗陣，無喇喇走咗出去"東門老街"逛
大熱天時，熱屎辣辣，人都顛架，仲好易中暑死亡添
冇…只係八吓啫，東門好多人話好雜嘅地方，我只係連埋今次第二次逛咋
其實都冇乜好行，"係咁二"行吓算囉
只不過喺條街行幾行啫
都已經有鬼屎咁多人埋嚟"搭訕"
以下對白，我所講嘅說話只係我"心諗"咋，並沒有回答他人
******************************************
女燦： 「靚女！按唔按摩呀，好平喎，兩個鐘幾拾蚊咋，試試吖！」
港燦(我)： 「咁鬼平，都咪攪我喇，唔想攪到骨頭散晒返嚟呀，我朋友咪就係按完喺羅湖 call 白車囉 ！」
女燦： 「靚女！gel 唔 gel 甲呀，水晶甲好靚喎，10蚊咋，set 頭、做 facial 吖都好平等等！」
港燦(我)： 「10蚊 gel 甲﹖唔好玩喇，唔想有"灰甲"呀，睇醫生都唔只呢個價喇！」
男燦： 「買唔買 D9呀，好平，5蚊隻咋，跟我入嚟慢慢揀！」
女燦： 「有好多好平 D9喎，5蚊隻，入嚟喇，好新架，演唱會呀！」
港燦(我) ：「死喇…咁鬼"背"，乜嘢 D9呢﹖"柴九"我就識，blu-ray我都識，咁…D9 係乜東東呀﹖其實已 get到係乜喇！」
***************************************
逛咗一陣啫，已煩到妳屎
其實佢哋係咪好易認出"港燦" look呢﹖
我諗佢哋絕少失誤
唔買"老翻"，又冇"步步高"，唔駛錢都睇唔到喇
咪鬼整壞我部機﹖
gel甲、按摩通通唔關我事
去大陸只係獨沽一味
"食"
