去咗一間傳說中好多人都話超級好味嘅海鮮店食
舖頭細細
店內最多只可坐十六人左右
亦都好難訂位
唯有選擇較冇咁繁忙時間去幫襯
"海鮮站"
"中蝦海鮮沙律"
呢個好多人讚不絕口架
我唔執輸，叫埋一份
生果全部用料新鮮，並不是罐頭貨
沙律醬用了芒果汁，幾特別、清新
自己嘅評價係，第一啖擺落口，已"咦"了一聲
有幾好食呀，又呃人
水果唔夠凍 (暖暖的，已不討好、點會好味)
芒果汁亦唔夠香甜，應該講冇芒果味
可能自己唔好彩喇 (又幫佢揾落台階，我都冇份既，點解…)
第一味餸已係咁，咁…第二味又會唔會…
大佬，唔好玩我呀！(一額汗)
"法國麵包蟹"
價值 $200 嘅麵包蟹，都算大隻
唔………好唔………好食呀﹖！
怕怕！！！
嘩！好多蟹羔
整個蟹蓋全部鋪滿"羔羔"
蟹羔點醋同吃很是好味
蟹肉同蟹羔比，後者較勝
整隻蟹我一人把它掃清，都還意猶未盡
"豉汁蒸蟶子皇"
都算大隻，蒸得沒有過火
夠爽、唔韌
味道又啱啱好，加多啲粉絲仲好
"黃金海中蝦"
呢個係以上咁多樣，最~最~最~好味的一個
蝦夠彈牙、新鮮
蝦殼鋪滿了起沙嘅咸蛋黃碎，好味到不得了
真係想連殼都吞落肚
做得很出色的一味"黃金蝦"
令人回味
真係好細間架，佢唔係酒樓嚟
只係一間海鮮小廚
水準比大型酒樓有過之而無不及
應該講係好過一百倍
