食過唔好食嘅"牧場"
心思思走去好耐冇幫襯嘅"澳牛"
依稀記得只食過一次咁大把(都 N年前 lu)
1 號枱，呢張枱"正"呀
唔駛搭位，又唔係路口位，係面壁位(還好過坐卡位)
背又有靠山，冇人騷擾
(不過就驚啲污碟會濺污衣服，因隔離有放置擺污碟膠桶，如果唔係仲 fit)
早餐至十二点，幾咁盞鬼，加上又唔貴喎
出名叫"炒蛋"
我亦唔會鬥氣，順應民意
蛋係好滑又有蛋味，同"牧場"真係冇得揮
唯一美中不足是蛋拎嚟時，唔凍唔熱
是最差勁的，可否改改呢﹖
麵包都夠軟熟
(係邊皮稍為硬咗啲，只好搣咗去唔食喇)
多士又係唔熱，是烘定先
變咗幾韌吓
個蛋真係炒得好靚
又濕又潤，滑不溜口
如果"熱辣辣"又真係冇得頂囉
可惜吖…
呢啲冇乜特別話好唔好食
(因自己都識，整得比它還要好味，所以唔覺有乜特別)
只覺都幾多味精
只係食佢就唔會嚟"澳洲牛奶公司"
第二間都得喇(自己都掂)
奶茶唔夠"檀島"咁好喝
"華田"如果個杯大啲會好些，因都幾濃吓(好奄尖啊，冇法喇…想佢更好啫)
好多人話佢啲服務相當差勁
可能我好好彩，完全沒有發生於我身上
咁…我又冇好似啲人評價到"不食不可"嗰種地步
亦沒有"再三回味"，食過咪算囉
(不過我哋揀啱時間，完全無需等位呀，咁…咪加番啲分囉)
