放假冇"三點都不露"架，早起身可有大半天時間用
呢餐都唔知係早 or 午餐
陳漢記
牛肉粥
(牛肉嫰滑，當然有落味精喇，粥底做得幾好)
义燒腸、黑椒牛筋丸湯米
(兩者同樣好食，腸粉整得好薄，畀一般酒樓還好，牛筋丸又好味)
要早起身，咪又為咗佢囉
今次真係玩得夠晒喉喇
由大埔吐露港單車徑踩至烏溪沙青年中心止
再回頭，又再踩去大埔海濱公園
玩至差唔多四個多鐘
才交還單車
五點多鐘又到了第二個目的地
"小白鷺餐廳"
諗住即興玩 BBQ，當然係冇位喇
可能臨近聖誕，見有很多團體包場攪活動
冇理由一場嚟到，唔入去走走喎
一帶的風景
見有水上單車玩，我哋又玩咗半粒鐘
當坐在單車上，才發覺已很攰喇
好似踩極都踩唔郁咁
環境尚算唔錯，令人煩悶盡消
真係有隻"小白鷺"喺到架
冇得燒烤，唯有到別處開餐
德記
走咗去火炭大排檔食
呢啲風味已買少見少喇，時間尚早，不太多人
椒鹽瀬尿蝦
(例牌必叫的，好惹味，正)
豉油王炒麵
(算夠乾身，但冇乜鑊氣，而且唔熱，失望，以前食過很好味架)
羊腩煲
(唔好味，肉又韌兼夾嚡，把鬼呀)
唔知係唔係換咗老細
