話咁快就玩完四日，但…酒店提都冇提過
今次住既酒店矩離車駅只係行約五至六分鐘(不過睇吓係乜人行喎)
相當方便就腳
(有得揀唔會選擇老年咁遠架)
到過日本的朋友都知道房間相當細小，尤其東京
(如果你有"米"，就另作別論)
十居其九的旅人好喜歡選擇住東橫 inn (特別是北海道)
不過個人認為它比東橫 inn 優勝既地方
就係你續住時唔駛 10:00 out 16:00才可 in
(總之你成日留喺房間都冇人會叫你走)
Comfort Hotel
它同東橫 inn 一樣都是商務酒店
兩間我同樣喜愛
如同一地方都有兩間酒店存在，當然會選就腳之地(唔駛多講)
除咗喺大阪住過外，今次係第二次幫襯了
大堂設在二階
睇相係咪又新淨又型仔呀
日本的服務無須多講喇
簡簡單單辦理 check in 手續，便可入房囉
大堂好長好長，分左右兩邊
一邊就係吃早餐之地
而另一邊提供上網
佢比有啲傳統酒店還好
(唔鐘意住傳統酒店因為裝修好鬼古老又舊，而呢啲商務酒店比較型格)
可放兩個喼在地上還有餘位
LCD TV
(嗰的所謂五星都還未捨得更換呀)
有 notebook 租用好平好抵
有時覺得日本係一個好奇怪既地方，好多嘢都好潮架
尤其電子產品，多到靚到令你目不暇給
但亦會售賣番好耐已唔興的物品喎，絕對兩者兼容
認為如何，你會唔會鐘意呢
住得過架，又乾淨企理
平得嚟又唔 cheap 只係 cost effective 咋
(我做人好實際既，寧願留番啲錢食咗去或買嘢氹自己開心，冇謂扮嘢死充，心儀或温泉酒店除外)
