今日走咗去"深水埗"逛街
這個地方對我嚟講可用一隻手，數得晒去過幾多次
好醜怪啊，近在咫尺，都唔熟
午餐食好多雜誌都對它"讚不絕口"的店舖開餐
其實想去試好耐喇，只係沒有原動力啫
今次有目的，可順便一試囉
"維記咖啡粉麵"
豬膶、牛肉米 & 豬膶麵
足料又大碗，食完真係飽到上心口呀…
(豬膶好食，湯又清甜，但牛肉就有啲韌喇)
咖央西多
(唔錯架，唔太甜又唔肥膩)
食完就安樂晒 lu，但又未至於一試難忘
嚟"深水埗"咪走去逛吓電腦城
都行咗好耐呀
買咗呢個
(似唔似抽油煙機呀)
"鴨寮街"這個地方聽就聽得多
我從來沒有踏過一步
今天真係首次
不過，完全唔啱行喎
好快逛完，又行去出名食腸粉的"合益泰"
真係幾巴閉架，舖內又多人食
在外買腸粉的又要排隊
做梗嘢的"亞姐"都發晒脾四喇
嘩…腸粉真係名符其實，又滑一滑還好幼細
(唔錯、好食)
淨係汝州街、桂林街、福榮街、鴨寮街
都攪到我
就算依家行完，都唔記得邊條打唔條架
叫我行中環、尖咀、銅鑼灣就叻啫…
最後就去咗呢間出名買甜糕既舖頭
"坤記糕品"
既然從未食過呢啲古老嘢，就買嚟試試
因自己唔鐘意食甜品
所以都唔作太多評論喇，我幾鐘意個紅豆糕(唔太甜好香紅豆味)
其餘就麻麻
