呢排食得太多肥膩同燥熱嘅食物，實在有需要調節一吓
而呢間食店想同大家推介好耐喇，終於大派用場
它係一間標榜低油、低脂、有機健康兼且有埋素食嘅餐廳
餐牌上列明每樣食物的卡路里，要減肥的朋友都啱用
雖不至於係我的【御用飯堂】但都不遠矣
味道做得唔錯，色香味俱佳，絕唔會讓你失望(個人認為)
餐廳我冇份，唔駛驚我講大話(因我唔係亂嗡廿四嗰種人，我只係有碟話碟、有碗話碗啫)
尋晚的晚餐，真係美味架
【菓一道健康餐廳】
餐牌上有標明每樣食物的卡路里
如要選擇 set 請畀多$18
(餐湯、餐飲、麵包、甜品等)呢幾樣嘢加加埋埋都有唔少"cal"
我哋都有加錢叫 set (如需要牛油可同侍應提出)
餐湯係"南瓜湯"
麵包係餐廳做的
餐飲係"柑桔檸蜜"
每樣都唔錯架
沙茶香茜素三絲炒意大利麵(素食)
你唔好以為素食淡而冇味喎，佢整得唔錯架，好香口惹味
連我咁挑剔都成日去食，真係唔差得去邊
(但…有時讚得咁好，就會抱有期望，嗱！唔好食唔好打我呀，因個人口味唔同)
蜜糖燒汁香煎駝鳥扒拌原糙米飯
(駝鳥扒做得好腍又夠味，扒下面有好多瓜、菜，如果飯唔夠可加底啊)
最後係甜品(有雪糕、桂花果凍)
再講多一句，如要減肥就唔好加錢叫餐喇，因真係多咗好多"cal"
