嗱！本應呢餐係尋晚食嘅 ，因打風關係，改咗今晚去食
原來食唔到絕對唔係損失，依家就損失咗啲銀両喇
因為唔好食，完全沒有色香味，食到條脷口淡淡
話明係套餐價錢(黃油蟹包八両重)，又話因打風喎，啲黃油蟹來貨時大隻咗(關我义事)
要額外補番差價，每両$32，而我哋嗰隻係十一両重，即係要畀多三両重嘅錢喇
你話係咪取巧吖，見佢哋每枱都係咁同客講，認真揾老襯…
又貴又唔好食(好食都冇所謂)，絕對好失望好失望呀
我寧願去食"かに道樂"
唔駛多講都知係"鴻星"
黃油蟹(每人半隻)
都唔係太多黃油咋(麻麻哋)
石頭魚羹燴翅(食完都唔知係乜，完全唔好食)
黃油蟹灌湯小籠包(係呢個幾好食)
堂煎美國帶子皇(大隻就幾大隻喇，但冇味道)
火焰30頭南非鮑魚花膠筒(都唔知燒嚟做乜，作狀到死)
打開就係有超細鮑魚(又係冇味道)花膠和冬菇
生滾黃油蟹粥(真係冇乜味架，點解呀)
最後…原來最好味嘅係番石榴汁(吹漲)
埋單時，嗰位女部長話買麵幫老人家做善事籌款喎(唔係呃人啩)
咁做善事就冇所謂喇
