01/07/2007(sun)
大遠百→夢時代(Dream Mall)→金典酒店
☝日出個景真係幾靚
☝梳洗後去食早餐(其實係好眼瞓㗎，都唔願去食，又想試吓佢哋有乜正嘢食喎)
吃早餐嘅栢麗廳喺39/F，嘩…有好人排隊等入場吖
☝幾乞人憎，我哋被分配坐在一張好長好長嘅長枱度坐(都三唔識七，又唔係跟團，有冇九菜呀)
我梗係嘴藐藐喇，個侍應話一有位會轉畀我喎(唔好敷衍我喇，喱啲我都識出賣)
☝食早餐處往外看，可見到一舊舊的積木(高樓大厦)
我諗如不是訂海景房，其他房間應該會係望喱個景喇
☝咪睇佢好似好大，但唔係太多食物選擇
☝而另一邊，多放置甜品、水果等
☝我覺得最好味係喱個擔擔麵喇(食咗兩小碗)
☝再行去大遠百
又走咗去誠品打書釘
☝午餐去咗food court解決(喺街度都好難會揾到嘢食，差唔多好似喺晒百貨公司內)好彩早去食啫，唔係插針都插唔落…
胡麻牛肉炒麵(食食吓都好鬼死辣)幾好食架
☝迷你牛角包竟然間好好食，估唔到喎
芒果刨冰，好大盤(不過啲台灣芒果唔凍又冇乜味，咁…台北冰館好食多囉)
☝又再返番酒店到85大樓
買咗門票乘高速電梯，往74/F觀景台睇高雄市美景(上面顯視高度、下面係速度)
☝睇完後，真係可以唔駛上去(你睇吓係咪同我房睇嘅一樣，而佢又唔係360度喎，都冇乜意思)
一場嚟到，都要架喇(門票唔貴)，可感受吓乘高速電梯嘅速度
☝只係拍咗降落嗰部份(試感受吓上升會係點)
☝睇旅遊書介紹話85大樓內有好多嘢逛喎，都呃人嘅，內有一間百貨公司賣嘅物品好似裕華咁，只係地面開業咋，而嗰幾層又再裝修(即係冇嘢睇喇，不過有都唔啱行，賣啲嘢古老十八代)
後搭的士轉戰今年三月尾開業的夢時代(Dream Mall)
☝真係好大好大，有好多人(新開兼又係星期日)
裏面有一間統一阪急百貨(有好多日牌賣架，賣嘅嘢時尚、前衛，絕對啱行)
喺喱度同外面比，真係兩個世界嚟架
☝佢哋喺7/F(如冇記錯)，設置全層都專賣日本物品和日式餐廳(相當祟日，比港人更甚)
Daiso(日本店)，去過日本都知有架喇，賣嘅嘢等同吉之島$10店，當日多人到，差啲都迫唔入
☝頂樓有一個小型露天樂園
最吸引我當然就係摩天輪喇(不過我唔係鐘意 Sanrio家族的卡通人物，而係去親旅行，有摩天輪就梗去玩啫)
喱個係全台最高架，去到真係唔好錯過玩喎
唉…好多人排隊呀(話就話露天咋，有瓦遮頭㗎，唔會淋、同曬親)
又唔熱喎，仲有風吹埋嚟添，唔錯唔錯(梗係排到痴咗線，唔係點會講喱啲唔係人講嘅說話)
☝好似係 Kitty 車廂多啲喎
☝排咗40分鐘，終於可上車喇
我哋坐嗰架係玉桂狗車廂，裏面有隻玉桂狗公仔(唔敢抱，咁多人掂過)
☝從高處影落嚟，樂園有迷你海盜船、旋轉木馬、Bungy(彈跳)
轉咗十五分鐘，都算抵玩
☝大口仔車廂
☝喱個細路女，fing到面青唇白，四肢同個頭好似唔係佢咁
☝你又敢唔敢挑戰呢(都唔算係小兒科囉)
☝韓味煮藝
晚餐走咗去另一層食韓烤(食到飽，台灣好興喱個)
任食架(汽水同雪糕都有)，自己出外拿食物(食剩要罰錢架)
佢哋好怪，都唔係燒烤嘅，係喺個烤盤內圍邊有水架，將啲水淋上啲食物度，古古怪怪，咁叫做正宗食法喎(唔係化)，但…又幾好食喎，係唔夠香口囉，OK架
☝湯、同煎餅係order
☝又喺7仔買嘢飲，Zero Coke個招紙，香港冇喎
淺粉紅色嗰包係士多啤梨奶茶，幾好味(似奶昔)
又行吓其他商舖
☝Dream Mall B2/F，有喱間 Nitori(宜得利家居)
日本最大家居
☝買嘅家品唔錯，簡約兼唔貴，正呀
☝真係喺 Dream Mall逛到晚㗎，高雄市區景點咁少，尋日都差唔多行晒囉
下午唯有喺喱度蒲耐啲喇，唔係都諗唔到去邊
摩天輪都開咗燈囉，五顏六色，好靚吖
☝幸福摩天輪
睇吓靚唔靚
☝早上同晚上嘅 Dream Mall有乜唔同呢，開晒燈靚好多
都好夜喇，又要搭的返酒店lu，拜拜
