其實舊年、應該係前年了
嘅旅遊應很早寫完
嘅旅遊應很早寫完
以我性格、冇奶油拖咁鬼耐囉
皆因早前電腦壞了
把我早早做好了的相片全部冇晒
自己都唔想拖咁耐
本應可以寫完
點知部腦維修完差不多三個月
又再次跪低
把心一橫、買了部新
免煩‥
可惜‥事與願違
工作又很忙
又要一拖再拖
day 7了
享受埋呢日
冇咁嘆架喇
酒店有私人温泉
其實係私人浴缸就真‥
怕醜的確係唔錯嘅、但費用相計又)))
一晚其實浸得幾多吖
頂盡三次已極限
如果出去浸大池的、仲少啊
老公早早浸了一次
而我亦走了大池再浸吓
即是完美句號了
已book 好早餐時間
綠亭
又係喺吃晚餐地方吃‥
又係喺吃晚餐地方吃‥
可容納十幾廿枱客架
早餐吃乜
寫晒出來‥
酒店真的很識安排
不得不讚架
當天‥眼見只是四、五枱客咋
很靜、很舒服
服務員帶我倆入座時
所有食物已放在枱上了‥
真的好豐富啊
九宮格內的食物
有圖片寫埋係什麼架
唔會唔知乜
窩心
九宮格
嚟到高山
唔食吓朴葉味噌燒
不像話囉
好喜歡看圖識字
唔識日文
不用擔心吖
雖不是燒飛驒牛‥
但已很好味了
後悔冇喺酒店買朴葉包囉
而飛驒牛
就sabu sabu
一樣巧味啊
正
我都識做
同老公至愛的豚汁
很豐富的材料
同普通味噌湯、實在差太遠了
巧味
最後當然有飲品同甜品
圖片又講明蕃茄汁同牛奶的來源
真係唔到你唔服架
吃呢餐‥長知識
不是一片橙咁簡單
寒天橙果凍
都叫做有啲誠意吖
很完美巧吃的一餐‥
貴))) 都值得的
早餐用了很長時間
吃罷‥在酒店再逛吓‥
都差唔多 check out 喇
回房間執拾細軟
幾不捨亦要講 bye
bye bye 你條尾
這温泉酒店、我倆對佢評價很高啊
100分會給98分
餘2分、還有進步空間的
沿途行去車駅
亦沒有搭酒店免費車
唔太啱時間、費事等喇
食飽飽咪沿途行去車駅囉
不是咁快離開高山
還有後著
車駅有大大小小的儲物柜
咁早‥好多都吉的
放好行李
輕鬆晒
條街真的很靜
人都唔多隻
"柴柴"
當天都見唔少
去邊呢
去得高山
呢度冇奶油唔留啲腳毛啩
宮川朝市
只開早上嗰幾粒鐘
如錯過了、就只得一邊土產店可逛
哈‥又見到柴柴
現在見很多人、不論國籍都愛養柴犬
我唔敢再養喇 (雖不是柴犬)
佢嘅離開、係令人很是痛心、難過的
好喇‥入去逛吓係乜來先
左邊就全部小販攤檔
前半差不多賣這些
有啲我想買架
諗住回頭再買喇
又錯過了
七味粉‥嬸嬸自己調教的
我冇買呀
之前買了、吃不到咁多
有時會諗佢哋只開幾粒鐘
有啲又賣埋啲唔太等洗嘅嘢‥
究竟有冇生意呢
應該係消磨時間、掙錢買花戴多
大致都係賣手信多喇
不是攤當的
有這些店舖可逛
全是手信店多
有試食、我都買了一些啊
這個大黑天神
我家亦有個
好像沒多有用‥(笑)
離開宮川朝市
還有別個朝市逛
過了馬路
呢處便是另一個朝市所在地
陣屋朝市
這朝市同宮川朝市差很遠
冇乜睇頭
一場嚟到、咪睇埋囉
買嘅嘢絕不啱看同買
朝市附近就有這個可參觀的"高山陣屋"
我哋都冇入去呀
喺網上已睇過人介紹
都是一般
慳番
我唔知點解對這"紅橋"很感興趣
謀殺了不少菲林
其實有冇生意嘅呢
都唔太覺有人坐
逛了一輪
都差不多行完
要買的都買了‥
又係時候揾食
終於見到有人坐囉
行番去有小京都之稱嘅老街
揾食
食店剛開門不久
我倆喺第一pair 幫襯
座位任揀
坂口屋
店員已給了我們這menu
不用在外排隊吃啊
但我們沒有選喎
一場來到
當然吃這喇
我叫了這份
曾睇過一個台灣人寫這道牛心定食、點好吃
但她不是寫係牛心、她寫係飛驒牛囉
雖然佢都係飛驒牛的一部份
食‥都差天共地喇
第一啖咬落去
真想吐出來
係咬極都咬唔爛啊
唓！佢講到人間極品
當天吃時‥心裏已有罵她
有冇九菜呀‥仲話最後嗰件都唔想立即吞下 (係吖‥我直情唔想吞添‥係想吐呀！唔好食吖嘛)
台灣人寫嘢文筆係好好
好多時都被欺騙
而這道牛心、簡直係超差架
伏)))
伏)))
定食裏有そば
好彩都有啲嘢食吓
講真平成咁‥有乜好嘢益你吖
如果係好食
真的係抵食架‥
吃完そば
必定有的‥‥
店員沒有給
我都唔客氣、叫佢畀番架
呢間幾好喝
唔咸、OK囉、只係飲少少咋
老公好識嘆架
叫了150g 的飛驒牛
100g 付3400円、多50g才畀多900円
條數計落係咪後者抵好多呀
賣相已很靚喇
朴葉味噌燒
只有高山才可吃到
當然要嘆盡去喇
前菜雖然寡啲
都幾好吃架
我哋係吃主菜呀(笑)
係咪好靚吖
再睇番都流口水啊
老公給了一粒我吃
吃完已唔會再想吃那牛心定食了
嘩！簡直呢啲才是人間極品呀‥知冇‥那牛心不要提吧！
老公話‥真的最後嗰粒唔想咁快吞落肚啊(笑)
我們吃到一半
已座無虛席了‥
好彩早到咋
吃了成個鐘
亦要埋單走人
呢餐真的只有飛驒牛係最好吃的、又唔貴喎
真係好食到冇得頂 (笑)
望去右上角
店家都有5等級的
係牛心叫錯囉‥
睇吓門口真的很多人排隊買飛驒牛寿司吃
其實係老街兩旁有賣飛驒牛寿司的
都排晒長龍架
食飽咗
呢啲已冇乜興趣了
逛多陣老街
亦要鬆人喇‥
逛番去車駅
又未夠鐘鬆人喎
在這蓬頂下再坐一會
好彩唔熱
唔係屎得呀‥
話就再坐一會
其實仲有排未夠鐘架
同老公商量、一於去車駅改時間、博一博囉
因我哋係一早book 定好的、又有指定席
時間又倉促咗啲
好彩呀‥
終可改到、早了差不多兩個鐘回程
正呀‥
車駅職員、不太有禮貎
真的很少可啊！
不過‥話知佢吖‥最緊要攪掂
我哋喺高山回名古屋
都要兩個多鐘架
可能太攰、全程睡至下車
因星期六關係
不能住番 My stay 、太貴了
book 東橫囉
比較親民嘅價格
揾酒店、都找了一些時間
同官方地圖有些出入
我哋看地圖時、有個上了年紀的日本男士、在斑馬線旁停下
問我們找什麼
我咪話揾東橫囉、又畀埋地圖佢睇
佢竟然話在車駅旁
條友都short short 哋架
點會喺嗰度吖
咁好心、走過嚟問我哋揾什麼
都唔知話佢飲醉定乜好喇
好彩、老公好快找到了
放低行李、又可出外逛逛喇
*******************
去車駅逛吓地下街
真的很亂架
好像行來行去都差不多
盪失路多
哈！不用揾
竟然近在眼前‥太好了
係諗住必吃的
現在香港已有
好似彈多過讚‥
要了抹茶雪糕
蜜瓜包熱辣辣、脆卜卜確唔錯
不過兩者合二為一、又真係很困難吃啊
吃得雪糕嚟、又不能同時吃到包
非常狼狽
喺冷氣地方影幾張相、都差不多溶咁滯
口又冇咁大、惟有各有各吃喇
一啖雪糕一啖包囉
gimmick嘢、我都係一般啫
吃兩三啖還好、再吃麻麻‥
世界第二好吃雪糕蜜瓜包
冇之前多人排了、當天只得幾個日本人吃
而對面便是麥當當了、人家就滿座啊
香港我沒吃過、亦冇必要會去吃
喺日本吃過咪算囉
好喇‥吃過、又可剔除了
時間都晏喇
都要早少少吃晚飯
因週末啊
不想排隊呀
喺松本未能吃到鰻魚飯
惟有返到名古屋再嚐
呢間亦係心水列
只等了幾個字咋‥
老公例牌必點的
鰻魚燒肝
有啲人講到好好吃
我哋又唔覺喎
普通到‥我現在寫都忘記係點
所以知係有幾好吃喇
不過一場來到、一試無妨
係可以望到廚房架
其實係有塊大玻璃隔住
座喺度係高過人架
而我倆座的係面壁位
大多係給一條友座的‥當天在門外等了一陣
我起身望入店舖
女侍應問我介唔介意喎
嘩！我覺全冇所謂呀
又不用等太久
超正吖
師傅如何燒鰻魚
可一目了然
係咪正呀
去蓬來軒吃亦未看到
不過做佢呢個位
都相當辛苦呀
我點個普通鰻魚丼
Menu 話有三份二條呀
我夠架喇、反正我又不是大愛
咁樣啱我呀、少少哋
不會太漏
可以KO
鰻魚脆口的、又香、唔錯、係名古屋才作這炭燒嗎
真的吃少少夠架喇
不過我好失禮呀
碗湯沒有即時打開蓋
手一滑、整個蓋倒轉吸住個碗
有蒸氣關係、點樣整都不能揭開
我想出聲叫她們換一個新的
老公話咁醜怪
以後都唔帶我出去玩喎
唓！最後我都攪掂咗、可以打開喇
真係羞家屎啊！
好彩冇人見到 (笑)
當然大大碗喇
嘩！真的不得了
燒得很脆呀！
賣相很靚
三食
係咪多餘咗呢
齋鰻魚加飯伴吃
而以上係第二種吃法
第三種
加湯囉‥
老公已說多Q餘喎
三種吃法
簡簡單單‥就咁吃已很巧味了
不用攪咁多花臣
無聊呀(笑)
有同感‥
吃罷！
門口還是有人等的
因為喺週末啩
鰻魚店對面便是風來坊
吃雞亦出名
但我們已吃飽了
飽到上心口
又四維逛逛喇
去到拉麵橫丁‥
裏面有好幾間拉麵店
生意都相當唔錯
可惜無福消受
下次有機先喇‥
喺商場內條走廊
竟然就咁义電
香港唔金晴火眼睇住、恐怕‥
消化到差不多
打道回酒店了‥
喺超市買了
很愛吃金奇異果啊
但‥點解日本啲又特別巧吃呢﹖(笑)
喺高山買的
真的很難買到
又要高山限定‥
老公話又冇乜特別喎
唓！
嚟到‥唔食吓佢點都唔安樂架喇
又乾又柴
不覺巧味‥唔明點解會話佢正囉
惟一我畀藉口佢幫佢解釋
可能我哋一早買定
凍晒 (其實買嗰時已係凍了)
出名又點吖
老公最愛講"出名差吖嘛" (笑)
好喇
又完成咗呢個
可以剔除了
*******************
又係EU喇
有乜要改或從頭來過呢
呢天啲旅程都唔差喇
係中午嗰餐叫了個牛心定食差了點
可以不叫啊
叫多客"朴葉飛驒牛"就對喇
"風來坊"外賣雞亦
原來酒店附近都有間
早知唔買住喇
可能喺附近買會好食啲啩(笑)
酒店超滿意
吃的也是‥
提早走返名古屋係明智
Yeah !!!
**********************
三種吃法
簡簡單單‥就咁吃已很巧味了
不用攪咁多花臣
無聊呀(笑)
有同感‥
門口還是有人等的
因為喺週末啩
吃雞亦出名
但我們已吃飽了
又四維逛逛喇
去到拉麵橫丁‥
裏面有好幾間拉麵店
生意都相當唔錯
下次有機先喇‥
竟然就咁义電
香港唔金晴火眼睇住、恐怕‥
消化到差不多
打道回酒店了‥
但‥點解日本啲又特別巧吃呢﹖(笑)
真的很難買到
又要高山限定‥
老公話又冇乜特別喎
唓！
不覺巧味‥唔明點解會話佢正囉
惟一我畀藉口佢幫佢解釋
可能我哋一早買定
凍晒 (其實買嗰時已係凍了)
出名又點吖
老公最愛講"出名差吖嘛" (笑)
好喇
又完成咗呢個
可以剔除了
*******************
又係EU喇
有乜要改或從頭來過呢
呢天啲旅程都唔差喇
係中午嗰餐叫了個牛心定食差了點
可以不叫啊
叫多客"朴葉飛驒牛"就對喇
"風來坊"外賣雞亦
原來酒店附近都有間
早知唔買住喇
可能喺附近買會好食啲啩(笑)
酒店超滿意
吃的也是‥
提早走返名古屋係明智
Yeah !!!
**********************
