day 3遊完立山黑部"後
都咪話唔攰呀
第四天當然要瞓到自然醒喇
這旅程由 day 1 ~ day 3 都好早起床
真的要好好眠一眠
執好行李
寄存於大堂
可出去走走了
東橫"包的早餐"都冇吃過
一來要早起喇‥咪攪lu
二來多數要留肚吃別的‥
oh ))) 我超鐘意佢哋啲電車呀
一見便愛上
叫老公去搭吓
佢話冇地方要去‥搭嚟仲乜喎
唓！
當天我不斷追車影相 (笑)
追到返總駅
傻傻哋
這個喺呢個旅程必吃的
喺JR車駅商埸內的"白蝦亭"
喺JR車駅商埸內的"白蝦亭"
便是吃今天的第一餐
開店
我倆便是第一對顧客了
一早已做定功課
知道想吃那
入錢買票
揾好座位
可以等食了
有水機的
自助斟水呀
我哋超 like 的
一埸嚟到富山"
唔食佢出名"白蝦"刺身點得呢
白蝦被視為"富山灣寶石"
定食有湯
漬物、一塊蝦片
睇佢menu 係咁講咋
但官網講又唔同喎
講到有成 90隻咁多囉
出入差咁鬼遠嘅
另大size 有200隻架
價錢當然貴啲喇
從未吃過白蝦刺身、真的很巧吃呀
得咁少隻、真的唔多夠喉
夾兩、三啖已KO晒
又分啲給老公吃
白蝦天丼定食
還有一小碟白蝦刺身的
老公未影相已一早KO 了
有冇餓得咁緊要呀
當吃完刺身後、更加會知那個好吃啲
雖然炸係香口
但刺身真的很鮮同美味
炸的‥略嫌佢有蝦殼
真的有啲"吉"口架
no good
但‥都好食嘅
另還點了碟螢火魷魚
酸酸哋幾醒胃
呢餐真的算唔錯
不枉我話一定要吃這餐架
講真吖‥真的不很飽咋
份量不是很多
算‥反正會再吃嘅
白蝦係 100％富山灣產
不用去富山"咁遠吃喇
東京亦開了
東京亦開了
就是這白蝦了
既然不是很飽
離開了店舖
又在附近再吃
買過票
全自助
只係淥麵唔係囉 (笑)
點解會吃佢
咪day 3喺立山"吃過
覺好食
見車駅附近有間
即嚐
omg 同立山"吃的差很遠喎
湯頭又淡、塊魚片仲係紙咁薄添
嗰幾隻蝦又no good
嗰幾隻蝦又no good
味道真的一般
好彩只叫了一碗
點解唔同嘅
難道我記錯‥
NO la
當然價錢同立山"吃差成倍添
今次真的肚滿腸肥
飽了‥
只是自己眼濶肚窄啫
又追過車 (笑)
總駅好近咋
咪喺富山駅隔離囉
我倆咪喺附近逛來逛去
冇乜地方逛吖麻
其實係可以離開富山"架喇
因未夠時間走
還有一件事未完
等吓先喇
惟有四圍踱步
#######################
行去富山駅前嘅CIC店
諗住會有啲嘢睇喇
呢個我沒有點plan‥
已心裏覺乜咁架
又似二手咁
可能節電喇
裏面都好暗吓‥
都唔啱行架喇
似五十六年代
平日吖麻
診所又幾多人喎
係最多人
冇乜留意係乜
好像係幼兒院‥
頂樓有promotion
介紹一些別處產品‥都吸引好多上了年紀的伯伯嬸嬸
可能係佢哋最得閒啩
忘記影相呀
還有推介抺茶冷麵的
見賣相很吸引
還設了一隅給人座著品嚐
想吃‥但沒有quota 了
喺CIC 商場內地面、見有很多婆婆、公公都座著休息
我哋都座埋一齊
老公仲學埋啲老人家咁樁眼瞓 (笑)
嘅然沒有地方好去
為何不早早離開富山呢
未得呀))))
喺地庫逛多陣‥
賣嘅嘢同香港差不多
冇興趣
加上燈光太暗
好像去了大陸咁
人丁疏落
好喇時間啱啱好
點解冇嘢逛唔走要磨咁耐呢
揭曉喇
因為要等之前吃的落晒格才可再吃第二餐囉
唓 )))) (笑)
唉‥係嘅
一場嚟到富山
冇奶油不吃而返到香港走去cwb吃架
一早已知香港嗰間冇料到
老公話必吃喎
結果佢話又係一般
不是佢心中所想
還是有很大落差‥
口味唔啱啫
嗰幾隻蝦乾真的仲衰過"立山そば"
賣相超唔得
塩湯底我真的不愛
加上還很飽
只吃了大半已投降了
只可以講不是我倆鐘意的味道(湯頭)
有一件搞嘢事
當我落order 時
我哋很少會叫埋同樣食物的
女服送餐時已見佢相當猶豫
想放低又唔想之間
老公已同她說不是這個喎
(佢好少咁主動的)
侍應已九秒九拎走
責任當然他們負喇‥
又不是我們點錯
"IROHA"
為了還老公心願
喺富山"待了咁耐‥
吃了又如何
了結佢心願、可令他收口
值的
去旅行便是這樣
幾餐喺很短時間解決
在兩至三個鐘內呀
真的飽到上心口
回酒店拎行李鬆人喇
離開酒店
又行番去富山駅
諗行程時曾想過搭巴士的
但搭JR又唔係貴好多
作罷
只由一位男老師帶領咋
佢哋真的很有秩序同很乖
搭13:14分
呢處我都好期待呀‥
因去了幾天較為鄉郊地方
身痕‥想睇吓靚嘢囉
呢個金沢紅色鼓門
好多旅人愛影的‥
唔影咁多喇
要快快揾酒店
又話金沢酒店好平
我已三月左右上網訂
好多已full
而且都唔係平喎
諗再住東橫"的
在車駅附近的那間又冇房
離車駅較遠才有
嘥氣
太貴的‥當然不選
除非係温泉酒店
又發現了這間
五百零蚊都算近駅
睇過官網都可以
扑鎚
唔係化"要行樓梯上
(後尾發現側邊有條路直入、有電梯可上酒店的、有冇咁隠敝呀)
拎住件行李都幾係喎
冇計吖‥
笑屎‥上到去、大堂黑沉沉
人都冇隻
接待處像賓館、好有大6 feel
有個阿姐同我哋Check in
便自行上房了
個窗要推開塊木門、唔係就好像密室
相當古老的一間房間
張床褥真的要換了
冇彈力、凹陷
最慘係要瞓兩日呀
細 ))) 就差不多間間都係架喇
呢度冇乜問題
最大問題係個超古老雪柜
有鎖的
我哋孤陋寡聞、真的未見過
裏面都冇嘢喎
可能以前有
嘩‥裏面才經典
真的嚇屎人
所以話睇相真的可以呃吓人架
未喺現場睇過都唔知係咁
一個"大伏"
出去走走
終於可逛吓街街喇
不過自從玩Diy 後、對呢度又冇乜興趣了
睇‥當然會睇吓
買就很少了
超市一定要逛架喇
買嘢食必定動作‥
可惜冇乜嘢賣
水果又實在太貴了
買不落手
車駅附近有"百番街"可以逛逛
手信、食物、衣服應有盡有
我就一般咋
行到攰
差不多晚飯時間
其實有排都未到架
只不過唔想同人迫兼怕要排隊
惟有早早吃吧
吃好西"係要咁lu
不用排
裏面還有大把吉枱
好吖
海胆一般
其他可以‥
金沢名物 のど黒
喉黑魚"肉質細緻有彈性
因為巧吃、即時再order多碟
係喺金沢"才有得吃
係咪真呢
真的很足料
非常鮮甜味美
正
可惜只叫了一碗
蟹寿司亦麻麻
其他都係一般咋
"もりもり寿し" 迴轉寿し
Forus 百貨 6/F
去金沢"話必吃的一間寿司店
我倆只覺一般
名過於實
係有少少失望添
好彩都仲有幾款好食啫
同不用排隊咋
吃罷‥還很早
喺 Forus 逛吓公司
老公買了幾件衫
便打道回酒店
你估唔攰呀‥一日舟車勞頓
早點回酒店休息吓好lu
同喺富山白蝦亭"買了少少零食
定食有嗰兩包蝦餅片亦是一般
左邊包蝦餅當初非常吸引我買的
見有好多原隻蝦压扁
應很好吃啩‥點知不是
又乾又柴又有骨
把鬼啊！
右邊包蝦條確實頂瓜瓜
嘩‥每條充滿蝦味
好食到停不了口
可惜只買了兩包咋 )))
酒店雖然一般
冇計喇
在駅前的、價錢貴有多選擇
五百零的已冇得揀了
冇人會知係咁嘅
只怪自己唔好彩吧
唔係張床褥又扁又冇彈力
應一夜好眠的
泣！
********************
又是EU 時間了
day 4 究竟有乜會重新嚟過或不會做呢
有嘅‥
"立山そば"唔會去食
至於話"IROHA"富山拉麵、唔啱口味都好
始終都會去吃架
唔試過係唔會心熄的
亦不會取消
白蝦亭"好食、好好食
叫碗"大嘅白蝦刺身丼"才夠喉、還要買夠一打蝦條回港吃同派街坊
最差係間酒店囉
唔想住
今次EU係想他消失
揾個間好啲
就係咁多咋‥
我諗真係好多人訂了酒店亦未必去住或 No show
所以搞到不是旺季亦冇晒房間
難道真係要人收齊所有租金
畀你哋彈性、自由又唔好好珍惜
係要連累其他人才安樂‥無言
**************************************
*近期睇過一份免費報
讀者撰文寫旅遊的
去了十日北海道
東京入、東京走
其他的已唔想再質疑佢喇
其餘日子在北海道遊玩
但佢寫到飲食只用了$377港幣
仲驚死人會懷疑佢咁、remark*講"由於酒店早餐豐富，每天僅晚餐要自費、主要在大學、連鎖店和超市便宜地方用膳。*
omg 就算早餐豐富
(有睇過佢住邊間酒店、有冇咁豐富呀)
(有睇過佢住邊間酒店、有冇咁豐富呀)
都不能吃埋午餐嗰份啩
不是牛喎、有四個胃
可以儲存
$377 我只除8日(佢去十天)
每天只有$47.125享用
喺日本點用呢﹖﹖﹖
香港都未必得、一個午餐已冇晒lu、R頭
雖然你食乜或用幾多錢唔關我樹，但因為你撰文、寫到咁誇、真係令人相當質疑囉、才拎出嚟講啫
去旅行去到咁，我覺好痛苦囉 (或者人唔覺係)
睇到啱或鐘意的想買‥冇錢 )))
想食又冇錢
還有咁多美味又吸引嘅嘢‥點忍呀
都唔知為乜
為去而去
不過現在很多人都係咁架
我唔只見一個投稿者係咁寫‥只是呢個過份咗啲啲、才拿出來講
係投稿者專登咁寫博出位呢‥還是夾埋造假，唔明
講真‥我不能‥寧願不去、留喺香港好百倍*
只可講一句"堅離地"
*******************************
