幾年前睇過有人在家可Diy乳酪
當時的我又沒有這心機喎
今次唔知發乜癲喇
係呀‥唔知做乜咁好心情
學人攪攪震囉
只要你家有一台麵包機
但要有天然酵母mode 才能
冇既‥咪冇咁方便啫
我見人有用真空煲或是放在室温都可以
材料簡單
一杯低脂奶加一湯匙原味乳酪
奶要煲或微波約40度左右
加入一湯匙乳酪、我還加了少少糖、拌勻已可
(加了糖、覺會穏定啲)
我覺自己好似養緊天酵
texture相當唔錯
真的像乳酪啊
放包機大概五個鐘左右已變杰了
唔知做有味乳酪得唔得呢
*************************
二弄
第二天做了一杯
沒有用第一天吃剩的添加
還是用回市售品
(一杯點用得晒)
而右邊玻璃樽係用了奶粉加滾水開的奶奶
想試吓咁可否成功
結果睇到喇
左邊呈現一杯滑滑鮮奶
而右邊有分層啊
通常我放入包機做、大約五至六個鐘已變稠了
而右邊嗰杯真的好耐
差不多八、九粒鐘才杰啲啲囉
而texture 很鬆鬆的
上層應係乳清啩
再睇吓分析
左邊倒出清水狀物體應係乳清
中間係用脫脂奶加市售乳酪的效果
而右邊就係用了奶粉開的
用脫脂奶全冇問題
質感唔錯
似乳酪
用奶粉開就怪怪的
我覺像鼻涕囉
味道還可以
用奶粉開會有乳清﹖﹖﹖
這個我拿來當天做了包包
我諗用奶粉開係差啲囉
唔係做唔到
只覺怪怪
或者你會覺可以架
始終每人世界唔同呀
#####################
三弄
今次用了之前吃剩的diy 乳酪
舀一匙試吓又係點
這個放在包機內
又係沒有咁快變稠
差不多要七至八個鐘左右
才成功
佢既質感沒有太杰身
都係杰的
味道當然沒有原汁原味好喎
我又覺佢如周而復始食剩一匙作為胆
始終都係能力有限
天酵都不能喇
自己吃了幾天、真的已有反胃之感
停了冇做喇
或者手痕時、又會試吓有味乳酪是否可行
以上只係玩吓咋
還有一樣未講
按天酵mode 要廿四小時的
做以上大概十小時可按停入雪柜了
