冇諗過會寫
跟團有乜好寫吖
又因已有兩年了‥真的差不多遺忘
執相時見到
咁‥是但‥寫埋去喇
台中從未去過
這次係同老友去的
記得事隔十多年前和她去過一次台北
今次係第二次和她去台中
又會咁蹻又係去台灣
四日之旅喺跟團的
自己已沒有參加團好耐了
這次的印像又不是太差喎‥
可能人數唔多
大約十多個
沒有坐大旅巴
只是一架小巴載我們
第一程去埔里酒廠
係沒有什麼好睇架喇
真的係悶
但‥冇去過都冇乜所謂
地下係手信店
買了一些
又要上車離去了
景點沒有去其他喇
去今晚所住的酒店了
沿途下雨
可能旅巴細
同導遊可更加打成一片
有傾有講
加上團友又沒有麻煩人
算叫做唔錯囉‥
酒店係古老啲
都算大同舒服囉
梳洗後
落樓吃晚飯
山莊有隻狗狗
佢好乖架
瞓了‥唔敢嘈佢囉
團友唔多
只是兩圍咋
影相唔太方便
求求其其喇‥
唔奄尖都算唔錯囉
導遊一直講這隻"甕缸雞"點巴閉
我倆咪訂了隻品嚐
作為晚上的宵夜
一啲都唔好食
除咗隻髀滑外‥其他部位嚡夾冇味
真架‥唔點佢付上的一樽醬汁
簡直吃不下
成二百一隻
絕對不便宜啊！
