去完釡山已有一年多啲啲
網誌都仲未寫完
自己都覺過份了少少
以前的我不是這樣‥
會好努力的寫下旅遊的回憶
現在‥沒有這動力了
既然有開頭、都要有結尾
咪寫埋去囉
只是耐咗啲啲啫(笑）
好啦！
終於有結尾了
第七、八天一起寫晒去‥
見冇乜地方去
又走了南浦洞一轉
自由行咪有呢個好處
如不太遠、車費不太貴的話
真可以返兜的
在南浦洞逛了一圈
本想再吃冷麵的
又給我見了這間店舖
多心喇‥
豆腐牛骨辣鍋
嘩！好似好鬼辣咁
的而且確係好鬼辣
去了釡山咁多日
食既嘢
呢餐‥真的補番晒數了
人就係咁喇
辣‥到嘴唇有被燒的感覺
仲還覺過癮
還吃過不停添
好彩‥這個不是我的
麥飯伴吃
好健康
加埋紫菜
仲好鬼好吃
這個是我的
唔係化‥又係好似好辣咁
豆腐火腿芝士鍋
唔覺有芝士味
但‥都好好味道
辣‥又係好辣、只是沒有老公嗰個咁鬼辣啫
一路食‥一路流汗
全身盡濕
兼多了四條孖膶腸(笑)
吃了大半已不能再吃了
實在頂不順啊！
這餐價錢唔貴
相當抵食
同好食
只係自己不能吃太辣啫
唔關店家事
************************************
吃罷
又四圍逛
因還有嘢未買
上次揾唔到
回酒店再做功課
咪再戰
不容有失架‥
咪要買這個囉(笑)
####################################
買完‥終了結心願
可漫無目的四處逛了
韓國都叫做多小販檔了
雖吃完唔知係屬於早 or 午餐
還是心思思想吃的
要了兩款
內裏唔太記得係唔係芋茸喇
普普通通喇
都冇乜好逛
Uniqlo 香港也有
呢度又唔係平
熟口熟面、冇乜好睇囉
其他又一般般‥
嗱！真係好多小販檔架
阿豬媽預備中
真的不多見有"阿豬爸"囉
去過好幾次韓國
真不見有乜靚女囉
南浦洞、明洞、梨大都唔多見有囉
反而我覺佢哋大多很高頭大馬
今次喺看煙花時
比我見到一個很像崔智友的韓星
但‥我知她不是囉
唔明點解好整唔整要整到似佢
一啲都唔靚吖‥佢
唔好意思呀‥得罪了人家的偶像
終於開檔了
食既多
又揾嘢食
部隊鍋
這個喺屋企都可以整
冇難度的
幾種唔同的腸
同辣粉之類
還加了辛辣麵
唔好問呢餐係咪午餐了
因上一餐還未落隔
只點了小量配菜
今次再吃
已唔覺喺首爾時吃過的好吃
或還是太飽呢！﹖
代言人
唔明他會這麼的紅
所以話凡事冇絕對的‥
R 頭
冇地方好去喇
要轉場了
>>>>>>>>>>>>>>>>>>>>>>>>>>>>>>>>>>>>
上日有去過呢度
但冇逛過温泉場
今次因有太多時間
老公想唔同我去都唔得
睇過指示
知道如何去喇
車站有間書店
好像圖書館啊！是不
唔錯喎
要去的地方
其實冇乜好睇的
時間實在太充裕‥
都走去一看
啊！原來當天沒有開放
好彩冇諗過去浸臭腳啫‥(笑)
途經有位大叔見我倆喺度影相
嘴唇微微上揚、似笑非笑
應該係笑緊我們了
點解唔 check 清楚才來呢！(我諗佢係咁諗囉)
唓！我哋都冇諗過喺度浸喎
只是參觀吓啫
不是"跌落地嗱渣沙"啊
又唔去東萊婆婆吃九菜煎餅
走 lu
不過‥又買了一堆嘢囉
^^^^^^^^^^^^^^^^^^^^^^^^^^^^^^^
去那！
返酒店喇
放低啲嘢‥
梳洗吓都要啩
之前曾講過行李多咗成廿幾kg
哼！睇你買得咁過癮吖嗱！
咁‥點算好呢！
冇嘅‥咪拎起部份去郵局攪掂去囉
錢‥係用多咗啲啲喇
唔係都冇辦法可想 lu
去咁多次旅遊
都係第一次喺當地郵寄包裹咋
呢個體驗唔錯吖
*****************************************************
喺酒店附近一帶逛逛
即超市附近嚟
有個街市架
雖然不太愛行
見地下幾乾淨‥
都體驗吓人家的街市是怎樣的
好核突呀！
乜嚟架) ) )
%%%%%%%%%%%%%%%%%%%
晚飯去番第一天吃的燒烤
因實在好味
必有的前菜
最愛吃沙律菜
夠新鮮
好吃的醃蘿蔔
唔知乜東東的湯
老公必叫的啤酒
免為其難喝少少喇
再叫
因為好吃
這個烤肉
又係非常好吃的
今次點了兩份
正！
看旅遊 blog 見人大多會點的
今次見有
唔執輸點了個
講真吖
唔覺有幾咁好吃囉
只覺幾鬼嚡！
蝕本呀‥
吃完呢餐燒烤後
亦即是喺釡山最後的晚餐了
好懷念當地的食物啊！
真的很好吃‥
宵夜
last 的放縱了、真有啲不捨
今次去韓國比我哋的印象一次好過一次
起碼沒有大叔撞人時件
亦沒有隨地放飛劍
也不見在月台上有小販販賣狗隻
但‥反見到在車廂有人隨處叫賣
都係一啲販賣皮帶、放大鏡之類物品
都不算阻礙了
==========================================
第八日
點解唔分兩個寫
因冇乜嘢好寫
晨咁早機呀
零晨五點已上了的士飛去機場
都唔知點鬼解要咁早機架
八日七夜
變咗係賺頭蝕尾囉
好怕最後嗰日咁早機
心理很大壓力、怕唔知醒
誤了航班
總之就煩喇) ) )
從未試過、都唔想再試囉
好大負擔
老公今次好叻呀
竟然間過磅沒有超重
仲啱啱好添
佢隻手仲犀利個磅‥
不過有一樣唔明
地勤阿姐又要我倆放埋手提行李落磅一齊秤喎
難道新條例
嘩！又係好好彩
及格！
唔記得影張相
航空公司真係戙了個告示板
手提行李不能每人超過好似七磅呀(如冇記錯、因冇影相)
係咪韓國才這樣呢！
因從未試過喎
最近外遊回來、都驚有此發生
根本係完全沒有的
可能真係釡山才有﹖！
入了閘
又喺免稅店買了小量護膚品
才情不願的速速上機
拜拜釡山
真希望好快會選擇再嚟吃東西呀
懷念中) ) )
戰利品真的買了很多
用唔用得晒
已整整成年了
我‥只用了小部份
美人圖喺冬天用真的唔錯好用兼抵用
畀了好幾位朋友試
都讚不絕口
可惜香港沒有售
韓國官網都少了很多種此貨了
係咪唔再出呢﹖！
至於其他品牌
有啲好、有啲一般囉
我亦俾了很多朋友試用
唔係點用得晒吖
所以話呢！唔好貪心一次過買咁鬼多呀
用唔晒
又浪費、又嘥錢
yahoo 圑購不時有韓牌護膚品售賣
價錢真的還比當地便宜
不知何解﹖！
咁‥駛鬼拎得咁辛苦咩！
或者又可在 GMarket 買又多一選擇‥
本真想試試"后"的
睇完 QQ 試後感
即打退堂鼓
------------------------------------------------------------------------------
