因yb通知將會摺埋
都冇心機寫住喇
等呢度攪掂妥當後
才從新適應‥
雖然真不太習慣運用
但‥都要囉
萬事起頭難‥
一定會得的
人嚟吖嘛
點會比部腦玩殘呢！﹖(笑)
終寫到第六日
都唔係易架‥
去那呢！﹖
札嘎其
吃海鮮囉‥
那裏像個街市
乾濕貨也有
好多小販檔
這些大多係原居民買餸囉
遊客不會吧﹖！
沿海處
便是今日要找的地方
話明係街市
實濕漉漉
我好怕逛的
上網睇好多旅人
很喜歡到五樓吃海鮮自助餐
經我們細心硏究過後
還是自己買料讓人烹調吧！
入街市買餸先(笑)
逛咗一圈
市場上的小販們都冇乜反應
完全沒有撩客人買嘢
都唔係好早啫
難道他們還未熱身(笑)
逛至一檔
亞豬媽好好笑容兼熱心推介食物
看她又唔似劏客樣(我諗詐)
好喇‥幫襯
買了這些
最後又加了這隻八爪魚
她們會帶你上樓
位置一般
可能我們幫襯這間
就係嗰 part 啩
當日都幾多人啊！
所以冇乜靚位
第二檔就有囉
好多人必點的
亞豬媽又有介紹
唔記得乜魚
係咪比目魚呢！﹖
剌身吃
我哋又唔覺好吃
好多筋
好似咬極都吞唔落肚
麻麻
這個好味多
又爽又鮮甜
八爪魚刺身
真係未食過架
煙煙韌韌
時有啜住條脷
味道亦一般‥
炸魚
這個好吃多
香噴噴
食得多生冷
吃這
特別覺好味的
以上海鮮買了55,000won
已一早付了錢
前菜醬油錢 3,000won X2
beer 5,000won
炸魚費5,000won
啲餸嚟咗一部份
亞豬媽已急不及待要收錢
抵屎得佢仲收多成萬 won
咪逐樣同佢計囉
我仲攞埋計數機添‥
(平時我那有咁好數口吖，烚吓烚吓) (笑)
唔知點解忽然咁精明
換轉係我老公
佢話幾多就畀幾多架喇
另一邊的位置
不過冇乜人吃的
這個便是札嘎其市場了
吃飽飽走人
再四維逛逛囉
好多店舖都介紹吃這
一般啫
好多八爪魚 BB啊
這個好大隻呀！
這隻狗好有個性
同佢影相
不愛呀
擰左擰右、係都唔鐘意
******************************
離開札嘎其
又再去了南浦洞
係自由行才可
鴨仔圑那可以呢！
終於見到另一間屈記
老公發矛咁
見有咁鬼多佢想買的手信
裏面其實不是太多枝咋
經他一掃
所剩無幾囉(笑)
*********************************
慘！又要孭住沉重的戰利品
四處逛
在此進入
可到龍頭山公園
好彩有電動梯
唔係要拾級而上都幾係
到了
冇上去lu
呢度就疏落啲
另一邊多好多喇
唔係沖上雲霄才有啊！
駛唔駛咁大呀
你估大就有用咩(笑)
這個好多人影架
由上望落去
可盡覽全景啊
這些地方有好多鴿鴿的
隻隻肥大
有冇發覺任何地方
都係有好多老人聚集的
公園嘛
實有好多亞伯喇
咪同我哋香港一樣
在下棋囉
*********************************
公園冇乜好逛
原路嚟咪原路走
喺附近逛吓
真很多小販架
不過啲嘢唔啱我囉
A貨都唔少喎
這些唔啱看
似唔似香港啲家品店呀
我覺似囉‥
冇嘢啱！
轉戰吃嘢吧！
嘩！
真的好多小販
昌善洞美食街
全部都是清一色亞豬媽
咁‥啲男人做乜架呢！﹖
唔理佢衛生問題囉(笑)
食咗至講
好似好吸引
加了pat辣醬
撈勻可食了
幾好食
炒粉絲
我超愛吃的
喺尖咀韓國街成日買來吃
這裏味道同尖咀差不多
仲比它還要好吃
以上兩個當然炒粉絲好吃多囉
放心冇肚痛(笑)
********************************
逛吓時裝店
唔關老公樹‥
啱我逛
呢啲咪我鐘意囉
型嗎！﹖
要五、六萬won 一件起跳才看得上眼
真唔錯架
我 like
************************
買完逛完
又要揾我想食的一間店舖
成日難為我老公架
見到旅遊書介紹又自己愛吃的
就會 mark 低等老公揾
有時揾到佢一隻嘢咁‥
唔好意思呀
今次又係囉(笑)
見書推介
好似又幾好味咁囉
有韓式魚旦片和油豆腐
豆腐裏面又係有粉絲架
我都話自己係粉絲同豆腐怪嚟
一見到有這些
便不能自拔了
又唔覺推介到咁好味囉
最慘係呢間嘢都揾到一頭煙
九曲十三彎
好似八陣圖咁
一路揾就一路問人
有啲好的就 so 你
有啲睬你都有味
諗住放棄
老公好不忿
佢話睇地圖喺係附近的
唔知點解左穿右插都還是找不到
最後問了千won店的店員
她好好心的教我們
左轉右轉
便找到了‥
煮食檔嘢在街外
另有舖頭在後面‥
名字叫奶奶油豆腐火鍋
好似同旅遊書有出入
唔怪得揾到抽筋‥
老公話：揾到喇兼食埋
還了我心願喇
咁‥結果係點吖
我話有幾咁好食啫
把鬼囉
揾到人屎、放棄又激氣
******************************
逛到夜‥
好多小販檔開始營業
好想食吓餃子
前嗰幾天吃過覺一般
點知‥呢間又係
唔好食
喺首爾冇食過明洞嗰間餃子店
但‥又見人講好一般
咁‥我諗真係麻麻囉
喺香港超市買嗰啲韓國餃子
我都話唔好吃
現在我信了
真的係不好吃的
心熄了
街頭當地小吃
你想吃乜都有‥
唔知點解真係全部係亞豬媽嚟
男人呢！﹖
唔駛做呀！﹖
咪好鬼正‥
**********************
晚餐到喇
係呀‥又食呀
唔食又有乜做啫‥
諗住吃番之前食過嗰間冷麵的
入去前又諗諗不如吃間新喇
這間店舖又係在四維逛時見到的
有套餐供應
牛肉飯定食
烤過的牛肉
很是好味
飯底還有一隻半生熟蛋
撈勻吃更是美味
冷麵
係我對它念念不忘的
想番兜之前吃過嗰間‥
但又想試吓其他
麵上面鋪了一層碎冰的
撈勻還有半隻蛋
如果係溏心就正囉
冰冰涼涼又酸酸的‥
好開胃
還有烤豚肉
不是豬膶、好似呀‥
嚡咗啲‥味道尚算唔錯啊！
店舖不是很大
原來還有樓上的
當天沒有開
只是去洗手間才發現啊！
在橫街內
很易找到的
叫我再去都揾到架
食物唔貴
都算好吃‥
吃畢在隔離千won店又逛了很久
買了一些用品
便返酒店喇
**************************
我兩條友都唔知係咪患上大食積
到了釡山站
唔係回酒店喎
唔逛超市
又走去附近買雞吃
店舖應係家庭形式作業
兩代同堂
樓上係供客人用餐
不過真係超細少
洗手間亦在此
枱只得四至五張左右
眼見全部清一色女生幫襯
負責廚房的係一位女性
唔知係新抱定還是女兒了
點解我知同八咁多嘢
因買這炸雞都等了半個鐘
坐喺度同老太太傾偈
雖然我同佢都唔知大家講乜東東
身體語言可搭夠了
老太太不時問我凍不凍
需唔需要拿張被給我
哦‥好細心啊！
又問我們在那裏來
炸雞終於到手了
有冇見坐在門口處這位老太太啊
她很友善的
這店子亦有外賣送餐服務
其實應係得兩人工作
老太除外
回酒店了
夜深喇‥
炸雞
哦！咁嘅
點解打開會變咗咁既‥
唔係雞髀同亦嚟咩))))))
點解呀！
又叫錯
哦！可能第一次叫係啱的
多心又改了第二款
咪攞嚟衰囉
又貴又唔好食
又等咗鬼屎咁耐
韓國啲炸雞係咪唔好食架呢！
係首爾食過又係唔得
但‥都仲比呢間好吃。。。
超失望
我好鬼精架
凡唔好食的，只吃少少
其餘的
老公麻煩你了！
老公話今次佢都頂唔順喎
又嚡、又冇味、又多肉
見到都怕怕啊！
所以都吃半掉半呀‥
這餐烤雞要百一蚊有多
當然係港幣喇
真的貴啊！
唔知點解韓國吃這個係咁鬼貴嘅！
唔抵‥
喺新卜好不容易才寫完一個咁多字同相的網誌
還未駕輕就熟
希望快啲熟能生巧吧！
第六日寫完
寫埋七同八日
好快了
不會爛尾架
我做人係會有始有終的(笑)
