美味厨~

 

這間店在食街附近有唔少時間
廿多年實有喇
好耐以前吃過‥

某天經過
想回味一吓
睇吓有冇變到先 (笑)

出名吃排骨菜飯
當然一定要吃
排骨唔嚡入味好吃
菜飯自己稍嫌濕了點

點了套餐
酸辣湯
味道唔錯
不會太酸同太辣
恰如其份

燻魚菜飯
其實佢有冇諗過啲客點食架呢
一大嚿擺係個飯上面
分開上唔得既
完全唔夠細心、貼心囉
不在客人方面著想‥
另外畀隻碗又鬼咁細個
條魚又大又硬
幾難至拮開嚟食到
好狼狽
拍緊拖的女生們不要叫這個
一定出洋相的(笑)

魚夠濕潤、唔乾唔嚡
又入味
唔錯！

 

這個蟹肉瑤柱羮
蟹肉尚算多，不過還有些殼未清
味道麻麻
同太多芡‥
下次再吃，單點可以了

老公至愛吃這
一小碟都幾貴架
自己醃好喇(笑)