噚日去街遇到兩單 PK 事
搭港鐵時在月台給一個麻甩佬碰撞
撞到我時，起勢話追車、追車
頂！手上冇揸大雨傘
唔係實… " 拗 " 係兩嘢
第二單又係搭港鐵
當然係冇位座嗰隻喇
加上車內又迫喎
企係我倆後面有一男一女
男的忽然大咳一聲
佢衰到唔掩住嘴，擰轉面向我另一半頭髮噴(咳)
真係有冇韭菜呀
明知咁多人，又唔見佢向住自己條女噴喎
我知有好多人係咁呀
咳時擰歪面，以為有禮貌
咁…都要掩住口嘴架
正 PK， 小喇叭
真係熱到人都癲呀
夏日炎炎
唔好講煮吖，食都冇乜胃口
可以整乜﹖﹖﹖
材料好簡單
烏冬又或素麵，自己鐘意喇
記住用冰水過過冷河啊！
冰凍 100% 蕃茄汁加一杯冰水、つゆ撈勻
加自己喜歡的肉類，我加了煎香了的雞肉，唔加亦可
青瓜切絲、蕃茄粒
還有新鮮薑末、蔥粒
就成為一碗冰冰、凍凍涼透心的蕃茄湯麵了
食時可灑上黑胡椒又或加幾粒冰塊拌食
啱晒我呢類懶人啊！(笑)
差不多全部嘢喺雪柜拎出嚟攪掂咁
簡單易做，又好味又夠營養
就係咁 easy ))))))
(以上所有材料最好冰凍後才整)
